اجتماعی ترماقلرده ترقهتیلگن بیر ویدیوده بیر قیزنینگ یالواریش سیسی ایشیتیلهدی و کورینیشیچه، کابلنینگ قرهباغ تومنیده 4 ایرکک بیلن بیرگه صحرایی بیر دادگاه ده محاکمه بولهدیلر.
اوزلرینینگ «مجاهد» دیگن گروهنینگ جنگریلری، روزهنینگ 15- کونیده، 4 ایرکک نی کابل شهریدن بیر قیزنینگ قرهباغ تومنی گه انتقال بیرگنی باعث، محاکمه قیلیب و اوستیلریگه شرعیتنی اجرا قیلهدیلر؛ عین حالده، قیزنینگ یالواریب ایتیشیچه: «ملا صاحب، هیچ بیر ایش قیلگنیم یوق.»
انسان حقلری ایرکین کمیسیونی سوزلاوچیسی بلال صدیقینینگ ایتیشیچه، افغانستانده دولت و قانون حاکمیتی کوچسیز بولگنی باعث، صرایی محاکمه کوپهیگن.
ترقهتیلگن ویدیوده کورینگن موضوع دن کوپینچه کیشیلر تنقید قیلگن و عین حالده، اجتماعی ترماق ایشلاوچیلریدن بیرقطاری، اوندن حمایت قیلیب و «مجاهدلر» گروهی قیلگن ایشنی «اسلامی» بیر عمل دیگنلر، بیراق جناب صدیقی، حکومتدن اوشبو قضیه عامللرینی تیزلیکده قولگه آلیب و محاکمه قیلیشینی سورهگن.
شونینگدیک، حقوقدان و بیلیم یورت استادی ودیر صافینینگ ایتیشیچه، قانون گه قرشی ایشنی تیکشیریش قانونی ایش ایستهیدی و هر بیر کیشی یا-ده گروه اوز باشیمچه شکلده اهالینی اذیت قیلمهسی کیرهک.
بیراق، سلاموطندارگه صحبت بیرگن کابل پولیس قومندانلیگی مصلحتچیسی حشمت استانکزی، بو ویدیونینگ توغریلیگی تصدیق قیلمهیدی. اونینگ ایتیشیچه، قرهباغ تومنی پولیسی گه بو قضیه جدی شکلده تیکشیریلیشی خصوصیده بویروغ بیریلگن.
بو بیرینچی مرته ایمس کیم، قطار کیشیلردن تشکیل ایتیلگن بیر گروه تامانیدن صحرایی محاکمه یولگه قوییلگن بولسه و بو موضوع افغانستاننینگ تورلی منطقهلریده رواجلنگن دیر، بیراق باشکینتنینگ نیچه کیلومترلیگی ده صحرایی محاکمه یولگه قوییلیشی، کابل تومنلریده دولت حاکمیتی توغریسیده خواطر توغدیرگن.
