کابل‌ده اوتکزیلگن اوچ تامانلمه ییغین‌نینگ اعضالری، افغانستان و پاکستان داعش گروهی‌گه قرشی مشترک کوره‌ش آلیب باریش‌لری اوستیده تاکید ایتگن‌لر. بوگون توشدن آلدین افغانستان، پاکستان و کیسکین ماموریت کوچلری نینگ اوپراسیون باشلیغ‌لری اورته‌سیده اوتکزیلگن ییغین‌ده داعش گه قرشی قوشمه کوره‌ش آلیب باریش اوستیده تاکید ایتیلگن‌لر.
مدافعه وزیرلیگی‌نینگ سوزلاوچی‌سی دولت وزیری‌نینگ سلام وطندارگه ایتیشیچه، اوچ تامانلمه ییغین‌ده، پاکستان دولتی‌دن داعش حرکتی‌گه توپراغی‌دن افغانستانگه اوتیشی اوچون رخصت بیرمس‌لیگی سوره‌لگن.
مدافعه وزیرلیگی‌نینگ سوزلاوچی‌سی، تامانلر اورته‌سیده ایکّی مملکت اره‌سیده‌گی چیگره قیین چیلیگی و دیورند چیزیغی‌ده قوریله دیگن حربی پوسته‌لر مساله‌سی محاکمه بولگن.
عین حالده، سیاسی تحلیلچی کابل‌خان تدبیرنینگ سوزلریگه کوره، ایکّی مملکت اوپراسیون باشلیغ‌لری اورته‌سیده داعش‌گه قرشی مشترک کوره‌ش آلیب باریش مساله‌سی اوستیده گپیریلگن؛ لیکن، بونگه پاکستان عمل قیلمیدی.
اونینگ سوزلریگه کوره، پاکستان حکومتی فقط مملکتی منفعتی اوچون اوروش قیله‌دیگن گروه‌لر بیلن مبارزه قیله‌دی یو تمام.
افغانستان حکومتی مملکت‌نینگ شرقی حدودیده داعش گروهی‌گه قرشی اوروشنی شدت‌لشتیرگن بیر حالده، کابل – اسلام آباد رسمیلری اورته‌سیده مشترک کوره‌ش مساله‌سی توغریسی‌ده بحث آلیب باریلماقده
