ارزگان ولایتی‌نینگ بلند مرتبه‌لی رسمیلری دایکندی ولایتیده اوغیرلنگن 20 نفر آزاد ایتیلگن لیگی‌دن خبر بیرگن‌لر.
ارزگان ولایت سرپرستی‌نینگ سوزلاووچی‌سی دوست‌محمد نایاب نینگ ایتیشیچه، مذکور شخص‌لر شنبه کونی طالب‌لر قولی‌دن آزاد ایتیلگن.
ارزگان ولایت سرپرستی سوزلاووچی‌سی نینگ سلام وطندارگه بیر خبرنامه یوللب ایتیشیچه، اوشبو 20 کیشی طالب‌لرنینگ ولسوالی ایتیب تعین‌لنگن ملا حکمت الله کیشی‌لری آرقه‌لی اوغیرلنگن.
سوزلاووچی، مذکور شخص‌لر اوتگن هفته چهارشنبه کونی ارزگان ولایتی‌نینگ شهید حساس ولسوال‌لیگی‌گه قره‌شلی منطقه‌دن موترلری بیلن طالب‌لر طرفی‌دن اوغیرلنگن ایدی‌لر دیگن.
جناب نایاب، اوغیرلنگن‌لر همه‌سی دایکندی ولایتی کیتی و کجران ولسوال‌لیک‌لری‌نینگ اهالی‌سی بولگن‌لیگی‌نی ایتگن.
بولر شهید حساس یولی بیلن ارزگان مرکزی ترینکوت تامان حرکت‌ده بولگن‌ده اوغیرلنگن ایدی‌لر.
ولایت رسمیلری، اوغیرلگن‌لر برچه‌سی منطقه قوم یاش اولوغ‌لری همده ارزگان محلی اداره مسوول‌لری تشبثی بیلن قورال‌لی طالب‌لر قولی‌دن آزاد ایتیلگن لیگی‌نی بیلدیرگن‌لر.
کجران ولسوا‌ل‌لیگی تیریکچیلیک اوچون اساسی امکانیت‌گه ایگه بولمه‌گنی باعث، ولسوال‌لیک نینگ اهالی‌سی قیین چیلیک‌لرینی بر طرف قیلیش اوچون شهید حساس و باشقه ولسوالیک‌لرگه باره دی‌لر.
کجران انده – سنده بونده‌ی نا برقرارلیک‌لر گواهی بوله‌دی.
بوندن آلدین دایکندی ولایت کینگشی موضوع توغریسی‌ده خواطر بیلدیریب، اوشبو ولسوال‌لیک‌نینگ خوفسیزلیگی‌گه اعتبار بیریلمه‌گن‌ده کجران طالب‌لر قولی‌گه قوله‌شینی ایتگن ایدی.
