هلمند عامه فواید ریاست رسمیلری نینگ ایتیشیچه، امنیتی کوچلر و طالب‌لر اورته‌سیده دوام ایتیب کیله‌دیگن اوروشلر، ولایت جاده‌لریگه میلیونلرچه ضرر ایتکیزگن.
هلمند عامه فواید باشلیغی اهل‌الله عبیدی نینگ سلام‌وطندار بیلن قیلگن صحبتیده ایتیشیچه، شو سونگیده طالب‌لر اوز تصرفلریگه بولگن منطقه‌لر کوپریکلرینی بمب قویب پارتلتگنلرو شونینگ‌دیک قیر بولگن یوللرنی تراکتور بیلن بوزیب تشله گنلر.
جناب عبیدی نینگ ایتیشیچه، طالب‌لر یالغیز باباجی و مارجه تومنلری یولیده‌گی کوپریکلرنی بمب قویب پارتلتمه گنلر، بلکیم لشگرگاه شهرینی سنگین و کجکی تومنلریگه قوشه‌دیگن یوللرنی هم ماین قویش و باشقه ماده‌لر بیلن اوییب تشله‌گنلر.
هلمند عامه فواید باشلیغی، بیر کیلومتر سرک قیر بولیشی بیر میلیون دالر هزینه کوتره‌دی و اوروشلر، هلمند ده اونلرچه کیلومتر یولنی بوزیلیشیچه سبب بولگن دیدی.
عین حالده، کوپلب هلمند تومنلریده‌گی هیداوچیلر، طالب‌لر تامانیدن یوللر چیکه سیگه اورنه‌تیلگن ماین بارلیگی‌دن خواطر بیلدیریب، بو ماینلردن کوپیسی پارتلنمه‌گن دیدیلر.
بو هیداوچیلر شونینگ‌دیک یوللر بوزیلگن‌لیگی سبب، سفرلری چوزیلیب کیتیشیدن شکایت قیله‌دیلر.
ایتیلیشیچه، شوحاضر هم امنیتی کوچلر
بیلن طالب‌لر ارا هلمند ولایتی نینگ موسی قلعه، سنگین، نوزاد، باباجی، مارجه و باشقه تومنلریده اوروش جریانی بار.
بوندن آلدین هم کابلده عامه فواید وزیرلیگی کابل- قندهار قتناو یولیده‌گی کوپریکلرنی طالب‌لر بوزگن‌لیگینی بیلدیرگن ایدی.
