بیرلشگن ملت‌لر عفو تشکیلاتی اوروش آقیمی‌ده بولگن منطقه ده‌گی عیال‌لر« اوروش غنیمتی» حساب لنه‌دی دیگن. مذکور سازمان بوباره‌ده انیق سان کورستمه گن؛ اما دنیا بویلب قورالی توقنه شوو منطقه‌لرده عیال‌لر اوچون قیین‌چلیک کوپه ییب بارماقتده لیگی کوزه‌تگن.
بیرلشگن ملت‌لر عفو تشکیلاتی باشلیغی سلمین کالی‌سکان، افغانستان عیال‌لر و قیزلری ناخالص وضعیتی توغری سیده دلیل؛ جنگری‌لر هجومی تاثیریگه قالگن لیگی‌نی تیلگه آلگن.
اوشبو سازمان رسمی‌لری‌نینگ ایتیشیچه، افغان عیال‌لری وضعیتی خواطرلی بولگن. مذکور سازمان‌نینگ میلادی ییلده ترقتگن خواطرلی گزارشی‌ده عراق ایزدی‌لیک عیال‌لر داعش اسارتیگه قالگن حالده، جبری شکلده بولر نکاحی‌گه آلینگن و بولردن کوپی‌سی مذکور وضعیتدن چیقیش نیتده اوزلرینی اولدیریشگن لیگی‌نی یازگن.
ترقه‌تیلگن گزارش‌گه داعش؛ اسیر آلینگن عیال‌لرنی اوروش اسیری دیگن و دین‌لرینی اوزگرتیریشی بیلن حتی اولرنی ساتگن‌لیگی کیریتیلگن.
انه شو حالده افغانستان بشر حق حقوق کمیسیونی بیر اعلامیه آرقه‌لی عیال‌لر اوچون خشونت‌لر کوپه یب باریشی‌دن خواطر کورستگن. مذکور کمیسیون ینگی ترقتگن گزارشی میلادی 2014- ییلده عیال‌لر اوستیده بولیب اوتگن تورلی خشونت‌لردن 4873 ثبت بولگن، بو سانگه قره‌گنده 1392- ییلده 6611، 1391- ییلده 5701 مورد ایکن لیگی‌کورسه تیلگن.
انسان حق حقوقلر کمیسیونی عیال‌لر قرشی سیده اینگ یامان خشونت، ایرکک‌لر تاماندن کلتکله‌نیش وضعیتی و حاضرهم افغانستان بویلب بو عدالت سیز خشونت قینلتیریب کیلماقده‌لیگی‌نی بیلدیرگن.
ایچکی ایشلر وزیرلیگی‌نینگ انسان حق حقوقلر و جندر بوییچه باشقرمه هم اوشبو ییل باشلنیشی‌دن حاضرگه قدر عیال‌لر علیهده بولگن خشونت‌لر 665 موردگه ییتیب بارگن و باله‌لر قرشی سیده بولگن خشونت‌لر ایسه 1063 مورد ثبت بولگن‌لیگی‌نی اعلام قیلدی.
عیال پولیس‌لر قرشی سیده‌گی زوروان‌لیک
اولکه ایچکی ایشلر وزیری نورالحق علومی افغانستان پولیس سطحی‌ده‌گی عیال‌لر برابریده‌گی زوروان‌لیک‌لر یوقاری درجه‌ده کورینگن‌لیگی‌نی تیلگه آلگن.
علومی جنابلری 8- مارچ خلق ارا عیال‌لر کونی مناسبتی‌ده اوتکزیلگن ییغینده، پولیس صفی‌گه عیال‌لرنینگ سانی آشیشینی امید قیلگن، اما پولیس صفی‌گه قوشیلیش امیدی بیلن کیلگن عیال‌لر قوپال‌لیک بیلن روپه ره ایکن‌لیگی نی ایتگن.
موندن آلدین هم افغانستان امنیتی کوچلری چهار چوبه سیده‌گی عیال‌لرگه ضد تبعیض‌لر بارلیگی نشر قیلینگن ایدی.
عیال‌لرگه سیاسی مصلحت بیریش کمیته‌سی، بیربیانیه ترقه تیشی بیلن عیال‌لر قرشی‌سیده ایریم حوزه‌لرده یوزبیرگن قیین‌چیلیک‌لری، توغریدن توغری حل ایتیلمه گن‌لیگی‌دن شکایت قیلدی. بو کمیته اوز بیانیه سیده عیال‌لر توغری سیده نا عدالت‌لیک و ایرکک سالارلیک موجودلیگیدن خواطر کورستدی.
اما ایچکی ایشلر وزیرلیگی عیال‌لر توغری سیده‌گی مذکور قیینچلیک‌نی حل ایتیش اوچون کوره شیب بارماقده لیگی‌نی بیلدیرگن. ایچکی ایشلر وزیری‌گه کوره، اولر عیال‌لرنینگ کلیدی پست‌لرگه ایریشیش‌لری، ایش محیطی مصؤون بولیش و پولیس صفیده‌گی عیال‌لر حقوق و امتیازلری‌نینگ تامین ایتیش اوچون ایش باشلنگن‌لیگی بیلدیریله دی.
اوشبو ییلده دنیا بویلب خشونت کوپه‌یگن‌لیگی کورسه تیله‌دی. بیرلشگن ملت‌لر عفو تشکیلاتی خشونت‌لر درجه سی یوقاری کیتگنلیگی‌دن ناراضلیک بیلدیریب، خشونت‌لر آزه‌یشی اوچون سعی و حرکت ایتیلیشی‌نی سوره‌دی.
شونینگ‌دیک بیرلشگن ملت‌لر عفو تشکیلاتی جاری ییل فبروری آیی‌نینگ سونگی کونلریده ترقتگن گزارشیگه میلادی 2014- ییل اوروش منطقه‌لریده‌گی اهالی اوچون یمان ییل ایکن‌لیگی‌نی قید ایتگن.
