بیر آییدن کیین اخیر، اوقیتوچیلر یازموسمی تعطیلاتی اداغیگچه تحصن قیلمیدیلر.
اوقیتوچیلر تحصنی کابلده 13- ثورده باشلندی و باشقه ولایتلرده هم یوکسک شکلیده باشلهنیب، مکتبلر اوقووچیلریوزیگه یاپیلدی.
تحصن قیلگن اوقیتوچیلر اعلامیه ترقهتیشی بیلن قدم قالدیریش، درسی ساعتلر آزهیتیریش، آیلیکلری آرتیریلیش و یشش بنا و باشقه امتیازلرنی دولتدن ایستهگن ایدیلر.
اما اعتراض قیلگن اوقیتوچیلر سهشنبه کونی بیر ییغین آرقهلی، اوز تحصنلرینی یازموسمی تعطیلی پایانیگه قدر توختهتدیلر و تعطیللر اوتیشی بیلن بولر ایسته گیگه توجه بولمهگن صورتده، قیته تحصن قیلیش هشدارینی بیرهدیلر.
شونینگدیک بو اولتیریشده معارف وزیرلیگینینگ معینی غلام جیلانی همایونگه کوره، قدم قالدیریش اورتهدن کیتگن و اورنیگه رتبه ترفیع ایتیش کیلگن. جناب همایونگه کوره، کیلهسی ییل بودجهسی ده 6- رتبهدن بیرینچی رتبهگه قدر بستلری تنلنهدی و آیلیکلرینی بستلریگه کوره قولگه کیریتهدیلر.
اونینگ ایتیشیچه اوقیتوچیلر درسی ساعتلرینی 18 دن 26 ساعت پیشنهاد قیلگن ایکنلر و بومسأله مالی بُعدنی اوزیگه آلهدی، شو اوچون بیرقسمی حل بولگن.
جناب همایوننی کوپهیتیریشیچه، اوقیتوچیلرنینگ پیشنهادلری عدلی وزیرلیگیگه یوباریلگن و کابینه تصویب قیلیشی بیلن جمهور رییس توشیح قیلیشیگه یوباریلهدی.
اوقیتوچیلر تحصنی ایریم نهادلر حمایتی جملهدن نمایندهلرکینگشینینگ قولگه کیریتدی. کینگش عضوی سیمین بارکزیگه کوره، حکومت کیلهسی 10 کونگه قدر اوقیتوچیلر ایسته گیگه توجه قیلمهگن صورتده اولرهم اوقیتوچیلربیلن تحصن قیلهدیلر.
جمهور رییس غنی ملی بیرلیک حکومت باشلهنیشی بیلن کیلهسی آلتی آیگه قدر اوقیتوچیلرگه یشش ییر توزیع قیلیش وعدهسینی بیرگن ایدی، اما حاضرگه قدر جمهور رییس نینگ مذکور وعدهسی عملگه آشمهدی.
