افغانستاننی بیرینچی تدقیقات مرکزی قزاقستانده آچیلدی. اوشبو مرکز «قزاقستان- الفارابی» ملی بیلیم یورت حقوق بولیمی ماسترلیک درجهسیده افغانستانلیک اوقووچی بسمالله تابان تشبثی بیلن اوتکن (پنجشنبه کون) کتابخانه کونی مناسبتی بیلن مذکور مملکتده آچیلدی.
جناب تابان، اوشبو مراسمده مذکور مرکز ایجاد ایتیلیشیدن مقصد افغانستان بیلن قزاقستان علاقهسینی مستحکملشتیریش و افغانستاننی مذکور مملکت فقرارلریگه تانیشتیریش دییدی.
تاباننینگ ایتیشیچه، اوشبو مرکزده 50 دن آرتیق تاریخی، مدنی، سیاسی، حقوقی، اجتماعی کتابلر و افغانستاننی مدنی و طبیعی گوزللیگیدن کمیده یوز قطعه صورت و افغانستانده باستیریلیب چیققن کوندهلیکلر و گزیتهلردن نیچه سان موجود دیر. اونینگ ایسلشیچه، اوشبو عابدهلردن بیرقطارینینگ یازووچیلری مذکور مرکزگه ساوغه قیلگن و قالگنینی شخصی خرجتی بیلن تیارلگن.
تابان باشقه مملکتلردهگی افغانستانلیک اوقووچیلریدن دنیادهگیلرگه اوز مملکتلرینی تانیشتیریش خصوصیده، شوندهی مرکزلر ایجاد ایتیلیشیگه سعی و حرکت قیلیشلرینی سورهدی.
قزاقستان مملکتی آلماتی شهری افغانستان قونسلگرلیگی، قونسل بولیمی مسؤولی روحالله سدید، تدقیقات و مدنی مرکزنی ایکی مملکت علاقهسی مستحکملنیشی خصوصیده تأثیرچین بیلیب ایتیشیچه، بوندهی بیر سعی و حرکتلر افغانستان بیلن قزاقستان علاقهسیگه زیان ییتکیزمهیدی.
شونینگدیک قزاقستان- الفارابی ملی بیلیم یورت کتابخانهسی عمومی باشلیغی تونبای واکلیماتوفنانینگ، مذکور مرکز آچیلیش مراسمیده ایتیشیچه، اوشبو مملکتده افغانستاننی مدنی فعالیتی کابل- آستانه دوستلیگی چقورلیگینی کورستهدی. خانم واکلیماتوفنانینگ ایتیشیچه، اوشبو مرکز دایما کورووچیلر اونگیده آچیق تورهدی و شونینگدیک قزاقستانهم یقین آرهده افغانستانده شو کبی بیر مرکز آچیش خصوصیده سعی و حرکت قیلهدی.
تدقیقات مرکزی، آلماتیدهگی افغانستان قونسل رسمیلری، قزاقستان- الفارابی ملی بیلیم مسؤوللری، الفارابی کتابخانه ریاستی ملازملری، قزاقستان مدنی شخصیتلری و مذکور مملکتدهگی افغانستانلیک اوقووچیلر حضوریده آچیلدی.
قزاقستان- الفارابی ملی بیلیم یورت کتابخانهسی ایکی میلیوندن آرتیق کتابنی اوزیگه جایلشتیرگن و اورته آسیاده اینگ کته بیلیم یورتی کتابخانهلردن بیری سنلهدی.
