غزنی ولایت معاونی محمدعلی احمدی، امنیتی کوچلر طالبلرنینگ سابق رهبری ملاعمر فاتحه مراسمیگه هجوم قیلگنلیکلرینی ایتگن.
جناب احمدینینگ سلاموطندارگه ایتیشیچه، نیچه کوندن بیری طالبلر کینگ تبلیغ یولگه قوییب خلقنی ملاعمر فاتحه مراسمیده اشتراک قیلیش اوچون ترغیب قیلگن.
جناب احمدی، اوشبو مراسم دوشنبه کونی غزنی ولایتینینگ نوغی و قرهباغ قیشلاقلریده اوتکزیلگنلیگینی ایتگن.
شونینگدیک جناب احمدی، ملاعمرنی افغانستان خلقی دشمنی همده ترورچی صفتیده تَنیدی. انه شو سبب ملی کوچلر حربی عملیات اوتکزیب اونینگ فاتحه مراسمینی هجوم آستیگه آلگنلر.
عینحالده جناب احمدی، اسفنده، نانی، نوغی و قندهار – کابل عمومی یولیده یوز بیرگن توقنشوولرده 5 طالب هلاک بولیب باشقه 10تهسی یرهلنگن لیگینی ایتگن.
غزنی ولایت اورین باسریگه کوره، طالبلر اوشبو مراسمنی اهالی امکانیتی اساسیده اوتکزیب، خلقنی بو فاتحهگه آلیب باریشگه مجبور قیلگن.
احمدی، مذکور مراسم طالبلرنینگ تانیقلی قوماندانلری آرقهلی مدیریت ایتیلگنینی ایتگن.
طالبلر هنوزگچه بو بارهده هیچ نرسه دیمهگن. بوندن ایکی کون آلدین هم جمعیت اصلاح همده طالبلرنینگ سابق کیشیلر ملاعمر فاتحهسینی کابلده اوتکزگن ایدیلر.
گزارشلرده ملا عمر بوندن ایکی ییل آلدین بیر کسللیک سبب عالمدن اوتگن. لیکن، اونینگ حیاتدن کوز یومگنی اوتگن هفته افغانستان دولتی تامانیدن اعلان قیلیندی. ملاعمرنینگ اورین باسری، ملااخترمحمد منصور حاضر بو حرکت اوچون رهبرلیک قیلهدی.
