افغانستان حربی کوچلر باش قومندانی و مدافعه وزیرینینگ استعفاسی جمهور رییس تامانیدن قبول قیلیندی.
جمهورلیک ریاستی مطبوعات دفترینینگ وقتینچهلیک باشلیغی شاهحسین مرتضوینینگ سلاموطندارگه ایتیشیچه، مدافعه وزیری عبدالله حبیبی و حربی کوچلر باش قومندانی قدمشاه شهیمنینگ استعفاسی جمهور رییس غنی تامانیدن قبول قیلینگن.
جناب مرتضوی، ملی خوفسیزلیک باشلیغی معصوم استانکزینینگ استعفاسی و چیکلنتیریلگنی توغریسیده هیچ نرسه دیمهگن.
شونینگدیک، بلخ ولایتیده 209 شاهین قول اردو قومندانی جنرال مومند کتوازی، احتیاط دورهسیگه سوق بیریلگن.
ایتیلیشیچه، جنرال طارقشاه بهرامی مدافعه وزیرلیگینینگ وقتینچهلیک باشلیغی صفتیده و جنرال شریف یفتلی حربی کوچلر باش قومندانلیگی وقتینچهلیک باشلیغی صفتیده تانیشتیریلگنلر.
حکومت ییریک رسمیلری، اوتگن «جمعه» کون بلخ ولایتیده جایلشگن 209 شاهین قول اردو اوستیگه طالبلر تامانیدن اویوشتیریلگن هجومدن سونگ وظیفهلریدن چیکلهنیشی خصوصیده، قرار قیلگنلر.
اوشبو هجوم امنیتی کوچلر «جمعه» نمازی اوستیده بولگن بیرچاغده یوز بیرگن. بو هجوم قربانلیگی بیرینچیدن آز گزارش بیریلگن ایدی، بیراق نیچه ساعت اوتگنیدن کیین، قربانلیک رقمی یوقاری کیتدی و حاضر بو رقم 140 کیشی هلاک و 160 کیشی یرهدارنی کورستهدی.
باشقه بیر تاماندن، جمهور رییس اشرف غنی، ۲۰۳، ۲۰۵، ۲۰۷ و ۲۰۹ قول اردولرینینگ قومندانلری اوزگریشی و تعیین ایتیلیش تکلیفینی قبول قیلدی.
207 ظفر قول اردو قومندانی امانالله 209 شاهین قول اردو قومندانی صفتیده، 203 تندر قول اردوسی بیرینچی لوا قومندانی جنرال محمدناصر، جنرال اماناللهنینگ اورنیده 207 ظفر قول اردو قومندانی صفتیده، ضربتی ایکینچی لوا قومندانی امامنظر، تورنجنرال داوودشاهنینگ اورنیده 205 اتل قول اردو قومندانی صفتیده تکلیف ایتیلگنلر.
شونینگدیک، 205 اتل قول اردو قومندانی داووشاه، کادر ریاستی و ستردرستیز پرسونلینینگ فعال احتیاط بستیده اوزگرتیریلگن و 203 تندر قول اردو ایکینچی لوا قومندانی بریدجنرال عبدالواسع، دگرجنرال کادریگه 203 تندر قول اردو قومندانی صفتیده تعیین ایتیلگن.
