بوگون "یکشنبه" کابلده عیاللرگه قرشی زور‌وانلیک‌لرنی تیکشیریش اوچون عیاللر، ایچکی ایشلر و ساغلیق‌نی سقلش وزیرلیگی و باش قاره‌لاوچیلیک مسئوللری نینگ حضوری بیلن بیر ییغین یولگه قوییلدی.
عیاللر وزیرلیگی مسووللری نینگ ایتیشیچه، 1398- ییل نینگ بیرینچی ایکی آیی‌ده سرپل، غور، ننگرهار و کابلده عیاللرگه قرشی 15 زورهوانلیک قضیه قید ایتیلگن.
عیاللر وزیرلیگی‌نینگ اورین باسری سپوژمی وردک نینگ ایتیشیچه، نماینده‌لر کینگشی نینگ فرهنگی کمیسیونی مصلحتچی‌سی مینه منگل نینگ ترور ایتیلیشی و سمنگان ولایتیده بیر قابله نینگ جنسی زوروانلیک آستی‌ده قرار بیریلیشی مذکور قضیه‌لرگه شامل دیر.
شو توغریده:
- ایرکک‌لردن 75% عیاللرینی اوستیگه زوروانلیک قیله‌دی
عیاللرگه قرشی زوروانلیک؛ کمیده 3 مینگ دوسیه تیکشیریلگن
عیاللرگه قرشی زوره‌وانلیک‌لر آلدی آلینیشی اوچون 16 کونلیک کمپاین باشلندی
عین‌حالده، باش قاره‌لاوچلیک اداره‌سی نینگ اورین باسری سیناشنا منصورنینگ ایتیشیچه، اوشبو دوسیه‌لرگه قرشی یوتوقلر قولگه کیلگن و تیکشیرولرنینگ دوامی بار.
خانم منصورنینگ ایتیشیچه، خانم منگل نینگ ترور ایتیلیشی توغریسیده ایکی کیشی قولگه آلینگن.
سوادسیزلیک، ناتینچلیک، کم بغل‌لیک، اداری فساد و جزا عفو ایتیلیشی فرهنگی عیاللرگه قرشی زور‌وانلیک‌لرنینگ کوپه‌یشی‌گه سبب بولگن موضوع‌لردن دیر.
