ساغلیک وزیرلیگی نینگ معلوماتی اساسیده، اوتگن ۲۴ ساعتده مملکتده کرونا ویروس گه شبهه‌لی ۲۴۰ واقعه تیکشیریلگن کیم، بولردن ۲۵ ته‌سی ایجابی انیق‌لنگن.
مذکور وزیرلیک بوگون (جمعه ۲۸- سنبله) کرونا ویروس گه چلینگن‌لرنینگ کونده‌لیک رقمی نی ترقه‌تیش بیلن ایتیشیچه، اوشبو ینگی واقعه‌لر قید ایتیلیشی بیلن مملکتده کرونا ویروس گه چلینگنلر رقمی ۳۸ مینگ و ۸۹۷ کیشی گه ییتیشگن.
ساغلیک وزیرلیگی نینگ گزارشی اساسیده، کرونا ویروس نینگ ینگی ایجابی واقعه‌لری کابل، قندوز، بدخشان و سمنگان ولایت‌لریده قید ایتیلگن.
مذکور معلومات گه کوره، اوتگن بیر کیچه-کوندوز ده کرونا گه چلینگن بیر کسل جان بیرگن کیم بو رقم بیلن حاضرگچه مملکتده کرونا ویروسی باعث ۱ مینگ و ۴۳۷ کیشی هلاک بولگن و شونینگدیک اوتگن ۲۴ ساعتده کرونا گه چلینگن ۷۱ کیشی دارولنگن کیم بو رقم بیلن دارولنگنلر سانی ۳۲ مینگ و ۵۷۶ کیشی ییتیشگن.
