فاریاب امنیتی رسمیلری بیر مهمانلیکده ۵ کیشی آتیب اولدیریلگنلیگیدن خبر بیرهدی. رسمیلر، حادثه اوتگن کیچه ساعت ۹ اطرافیده قورغان تومنینینگ ایماقخانه قیشلاقیده روی بیرگن دیگن.
فاریاب پولیس سوزلاوچیسی عبدالکریم یورشنینگ سلاموطندارگه ایتیشیچه، حادثهده اولدیریلگنلر مردمی کوچلر قومندانی چاریخان، همایون و اسلام ناملی ایکی تن ساقچیسی بیلن، قوم یاش اولوغلریدن صدیق و شاهیآغهلر شامل.
اونگه کوره، اولدیریلگن شخصلر اوتگن کیچه مستری محمد ناملی دوستلرینینگ اویگه مهمان بولیب بارگن ایکنلر و آقشام آوقتی وقتیده ناتانیش قورالی شخصلر واسطهسی بیلن آتیب اولدیریلگنلر.
فاریاب پولیس سوزلاوچیسی حادثهده مستری محمدنی هم دخل دار دیب بیلهدی و ایتیشیچه، بو شخص حادثه روی بیرگنیدن کیین محلدن قاچیب اولگنلر قورال اسلحهلرینی اوچ موتر بیلن آلیب کیتگن.
فاریاب امنیتی رسمیلریگه کوره، حاضرگه قدر حادثه نیمه اوچون بولگنلیگی انیق معلوم ایمس.
