.jpg)
افغانستان عیال‌لری، قویاش 1394- ییل‌نی «فرخنده» بیلن باشله‌گن‌لر. فرخنده 28- حوت قویاش ینگی ییل باشله‌نیشی‌دن ایکی کون آلدین، جمهورلیک سرایی‌نینگ نیچه کیلو مترلیگی‌ده، قرآنکریم‌نی یاندیریش‌گه عیب‌لنیب، قطار کابل‌لیک کیشی‌لر تامانیدن اولدیریلیب و جان‌سیز تنه‌سی کابل دینگیزیده اوتگه یاندیریلدی.
کابل شهریده فرخنده ملکیارنینگ اولیمی، رخشانه‌نینگ تاش کومدی قیلینگنی، غور ولایتی‌ده ایکی یاش عاشق‌نینگ دُره اوریلگنی، فاریاب ولایتی‌ده ریزه‌گل‌نینگ بورنی ایری تامانیدن کیسیلگنی، آته‌سی آرقه‌لی بیر قیزنینگ چوت بیلن اولدیریلیشی و نیچه صحرایی محکمه اوتکزیلیشی، قویاش 1394- ییل افغانستان عیاللریگه قرشی زوره‌وانلیک‌لر جمله‌سیدن دییله‌دی.
افغانستان عیال‌لری کوپینچه قیین‌چیلیک‌لر جمله‌دن جنسی زوره‌وانلیک، ناموسی قتل‌لر، محیط لرده قینه‌تیلیش، زوره‌وانلیک بیلن تورموش قوریش، کم سیتیش و اهانت‌لرگه دوچار بوله‌دیلر.
زوره‌وانلیک کوپه‌ییشی
ایچکی و خلق ارا اداره‌لرنینگ رقم‌لری اساسیده، افغانستان عیاللریگه قرشی زوره‌وانلیک میزانی اوتگن ییل‌گه قره‌گنده ییترلی شکلده کوپه‌یگن.
کابل‌ده بشر حقلری کمیسیونی‌نینگ دفتری باشلیغی شمس‌الله احمدزی‌نینگ سلام‌وطندارگه ایتیشیچه، میلادی 2015- ییل عیال‌لرگه قرشی 5132 زوره‌وانلیک واقعه‌سی اوشبو دفترده رویخطگه آلینگن. اوشبو رقم میلادی 2014- ییل (4873 واقعه) گه قره‌گنده 5.32% کوپه‌یگنینی کورسته‌دی.
جناب احمدزی‌نینگ ایتیشیچه، رویخطگه آلینگن رقم‌لر جمله‌سیدن، 1417 واقعه (27.61%) فزیکی زوره‌وانلیک، 398 واقعه (7.76%) جنسی، 1743 واقعه (33.96%) سوکیش و روحی و 1098 واقعه (21.4%) اقتصادی بولگن.
شونینگ‌دیک احمدزی‌نینگ ایتیشیچه، 1394- ییل‌ده چمه‌سی 241 عیال قتلی رویخطگه آلینگن و بو واقعه‌لرنی کوپینچه‌سی اقتصادگه باغلیق بولگن. بو جمله‌دن، 119 واقعه ناموسی قتل‌لر و باشقه 122 واقعه قصدی و هدفمند دییله‌دی. دیمک 1393- ییل 162 قتل واقعه‌سی رویخطگه آلینگن ایکن و 93- ییل‌گه قره‌گنده 49% کوپه‌یگن.
شونینگ‌دیک، بیرلشگن ملت‌لر تشکیلاتی نماینده‌لیک دفتری‌نینگ ینگی رقمی اساسیده، افغانستانده زوره‌وانلیک‌لر دوامی کینگه‌ییشی، میلادی 2015- ییل عیال‌لر قربانلیگی 37% کوپه‌ییشی‌گه سبب بولگن.
.jpg)
زوره‌وانلیک میزانی آشیش دلیلی
کابل‌ده بشر حقلری ایرکین کمیسیونی‌نینگ دفتری باشلیغی، ایش‌سیز و کم بغل‌لیک‌نی زوره‌وانلیک‌لر عاملی دییدی.
جناب احمدزی، اوزاق ولایت‌لرده حکومت حاکمیتی‌دن تشقری منطقه‌لرده قانون حاکمیت سیزلیگی‌نی عیال‌لرگه قرشی زوره‌وانلیک میزانی آشیش دلیلی دیب بیله‌دی.
افغانستان بشر حقلری ایرکین کمیسیونی‌نینگ رقمی اساسیده، 1394- ییل‌ده عیال‌لرنینگ کوپینچه قتلی مملکت شمال حوزه‌سیده یوزبیرگن. مملکت شمالی‌ده 62 قتل واقعه‌سی رویخطگه آلینگن، مملکت‌ده یوزبیرگن قتل‌لردن چمه‌سی 28.2% تشکیل بیره‌دی.
هرات‌ده خودکش‌لیک میزانی کمه‌یگن
مملکت غربی‌ده جایلشگن هرات ولایتی‌ده، سونگی ییل‌لر عیال‌لرنینگ خودکش‌لیک میزانی آشگن ایدی. 1388 ییل افغانستان بویلب 100 عیال قصدی شکلده اوزلرینی یاندیرگن و بو جمله‌دن 64 ته‌سی هرات‌دن بولگن.
بیراق، حاضر مذکور ولایت حوزه‌یی کسلخانه مسؤول‌لری‌نینگ ایتیشیچه، هرات عیال‌لری‌نینگ خودکش‌لیک میزانی اوتگن ایکی ییل‌گه قره‌گنده، 90 فایز کمه‌یگن.
.jpg)
یوتوق‌لر
عیال‌لرگه قرشی موجود قیین‌چیلیک‌لر یانیده، افغانستان دولتی عیال‌لرنینگ حقوقی خصوصیده، یوتوق‌لر هم قولگه کیریتگن.
کابینه‌ده تورت عیال وزیر تانیشتیریلیشی، باشقه مملکت‌لرده نیچه عیال سفیر صفتیده یوباریلیشی، باش محکمه چوکی‌لریدن بیری عیال‌لرگه بیریلیشی، دولت بلند مرتبه‌لی چوکی‌لریدن نیچه ته‌سی عیال‌لرگه تاپشیریلیشی و ایچکی ایشلر وزیرلیگی‌نینگ چوکاتی‌ده پولیس کوچلری صفی‌گه 200 دن آرتیق عیال جذب ایتیلیشی دولت یوتوق‌لریدن سنله‌دی.
عیال‌لر وزیرلیگی‌نینگ پالیسی و لایحه‌لر اداره‌سی باشلیغی رحیمه ظریفی، کابینه و دولتی اداره‌لرده «جندر» کمیته‌لری ایجاد ایتیلیشی، زوره‌وانلیک لرنی باشقریش اوچون لایحه‌لر چیقاریلیشی، جنسی زوره‌وانلیک‌لر باشقریلیشی، حمایت مرکزلری، حبس‌گه آلینگن عیال‌لر عدالتی‌گه عیال‌لر قول تاپیشی و عیال‌لرگه قرشی زوره‌وانلیک‌لرنی باشقریش قانونی‌دن اوچینچی گزارش نشر ایتیلیشی‌نی عیال‌لرنینگ حقوقی خصوصیده اساسی یوتوق‌لردن دیب بیله‌دی.
شونینگ‌دیک خانم ظریفی، خلق ارا تشکیلاتی 1325 شرطنامه‌سی عمل‌گه آشیریلیشی خصوصیده لایحه تانیشتیریلیشی، زوره‌وانلیک‌که قربان بولگن عیال‌لرگه یاردم بیریش صندوق ایجاد ایتیلیشی و عیال‌لر اوچون خاص بیر بیلیم یورت قوریلیشی توغری‌سیده وعده بیریلگنینی شو توغریده باشقه یوتوق‌لردن دییدی.
افغانستان عیال‌لری، اوتگن ییل‌ده سپورت خصوصیده هم کوپینچه یوتوق‌لر قولگه کیریتگن.
ایتالیا پارلمان نماینده‌لریدن بیر گروهی، افغانستانده بایسکیل مینه‌دیگن عیال‌لر تیرمه جماعه‌سی‌نی، اوشبو سپورت عیال‌لر اورته‌سیده رواجلنیشی خصوصیده قیلگن سعی و حرکت‌لری باعث، نوبل تینچلیک ساورینی‌گه نامزد قیلگن.
22 یاشر سمیه غلامی، افغانستان سپورت تاریخی‌ده جنوب آسیا المپیک بیلشوولریده، بیرینچی مدال آلیب کیله‌دیگن عیال صفتیده رویخطگه آلیندی. شونینگ‌دیک، اوشبو بیلشوولرده باشقه اوچ سپورتچی عیال مدال کسب ایتگن.
