ایچکی ایشلر وزیرلیگی ترافیکی حادثهلر عمومی مدیریت رسمیلری نینگ ایتشیچه، جاری ییل ۹ آی مابینیده مملکت شاه یوللریده ۱۸۵۸ ترافیک حادثه روی بیرگن.
مذکور وزیرلیک ترافیکی حادثهلر عمومی مدیری عبدالطیف خیرخواه نینگ سلاموطندارگه ایتیشیچه، ترافیک حادثهلری عاقبتیده ۹۲۳ کیشی جان بیرگن و ۲۲۱۹ کیشی تن جراحت آلگن.
جناب خیرخواه، شاه یوللرده ترافیک میزانیگه برابر یوللر ظرفیتی بولمهگنی، پاکستان سیستمیده بولگن یوک تشوچی و تیلر موترلرنی سان سیز اوتیب قیتیشی و یوک تشوچی موترلرگه انیق یول بولمهگنی دلیل شاه یوللرده ترافیک حادثهلری یوز بیرهدی دیدی.
ایچکی ایشلر وزیرلیگی نینگ ترافیکی حادثهلر عمومی مدیریگه کوره، دریالر و ذولر برابریده استنادی دیوارلر بولمهگنی، هیداوچیلرنی ترافیک قانونیگه توجه سیزلیگی، یوک تشوچی و یولاوچی تشوچی موترلرنی بیر یولدن سان سیز اوتیب قیتیشی و هیداوچیلرنی احتیاط سیزلیگی سبب کوپلب ترافیک حادثهلری روی بیرهدی.
دایما یولاوچیلر هم هیداوچیلرنینگ احتیاط سیزلیگی و شاه یوللر بوزیغلیگیدن شکایت قیلیب ایتیشلریچه، هیداوچیلردن کوپیسی یولنی دوامیده بنگیوار مادهلردن استفاده قیلیب اوزلرینی نشه قیلیشلری سبب کوپلب قانلی حادثهلر روی بیرهدی.
اوچ کون آلدین هرات-فراه شاه یولیده ۳۰۳ تیپلی موترنی بیرتانکرگه باریب اوریش نتیجه سیده ۱۴ کیشی عالمدن اوتدی و ۴۱ کیشی یرهلندی. شونینگدیک نیمروز ولایتیده هم بیر ۳۰۳ یولاوچی تشوچی موترنی قولهب توشیشی بیلن ۴ کیشی جان بیردی و ۳۶ کیشی تن جراحت آلدی.
