امیریکه جمهور رییسی بارک اوبامانینگ ایتیشیچه، هیچ بیر امیریکه لیک حربی عسکر افغانستان شامل؛ دنیا هیچ بیر ییریده عملی شکلده اوروش میدانی‌گه حضور تاپمه‌یدی. او، افغانستان‌ده‌گی کوچلر رقمی افغانستان‌ده کمه‌یگن لیگی‌نی تیلگه آلدی.
جناب اوباما، بو سوزلرینی، 5- جوزا سه‌شنبه کون واشینگتن ده جایلشگن ارلینگتن گورستانی‌ده اوروش‌لرده هلاک بولگن امیریکه لیک عسکرلرنی ایسلش مراسمی‌ده بیان قیلدی.
ارلینگتن گورستانی‌ده امیریکه‌نینگ افغانستان و عراق اوروش‌لریده هلاک بولگن حربی‌لری کومیله‌دی.
اوبامانینگ کوپه‌یتیریشیچه، امیریکه کوچلری بوندن کیین دنیا و افغانستان اوروشی‌ده فزیکی صورت‌ده حضور تاپمه‌یدی.
عین حالده، اونینگ افغانستان‌نی تروریزیم اویه‌سی‌گه اوزگرگن خطرلی مملکت دیب ایتیشیچه، امیریکه کوچلری تهدیدلر برابریده بی تفاوت ایمس و تروریزیم و عصیانچی‌لیک‌که قرشی کوره‌شیش اوچون تیارگرلیک آلگن‌لر. اونگه کوره، بیرقطار حربی کوچلری حاضرگه قدر افغانستان‌ده قالگن.
امیریکه جمهور رییسی‌نینگ ایتیشیچه، «اوتمیش‌لرده مینگ‌لرچه حربی میز افغانستان‌ده بار ایدی، بیراق بو رقم کمه‌یگن و کیله‌جک‌ده هم حربی‌لریمیز رقمی مذکور مملکت‌ده کمه‌ییب ایلچی خانه‌میزنی سقله‌یدیگن‌لردن باشقه قالمیدی».
دیمک اوباما، امیریکه حربی کوچلری‌نینگ دنیا ایریم منطقه‌لریده حضور تاپمس‌لیگی توغری سیده سوزله‌یدی و اوروش هم دنیا بویلب ایریم مملکت‌لرده دوام ایتماقده.
مذکور مملکت کته قدرت‌گه ایگه بولگن مملکت‌لردن بیری بولیب، دنیاده تینچلیک کیلیشی‌گه طرفدارلیک کورسته‌دی.
امیریکه جمهور رییسی بو سوزلرنی نیچه وقت آلدیدن مذکور مملکت حربی کوچلری‌نینگ افغانستان‌دن بوتونله‌ی چیقیشی‌نی ایسله گن بیرچاغ‌ده بیان ایتکن. بیراق افغانستان جمهور رییسی مذکور حربی کوچلر حضوری افغانستان و منطقه ثبات‌لیگی اوچون ضرور بیلیب، بومملکت حربی کوچلری‌نینگ افغانستان‌دن چیقارمسلیگی نی ایسته گن ایدی.
امیریکه جمهور رییسی‌نینگ بو سوزلری، افغانستان سنامجلسی‌نینگ قرمه قرشیلیگی بیلن روپه‌ره بولدی.
سنامجلسی‌نینگ اعضالریدن بیری نثار حارث‌نینگ ایتیشیچه، امیریکه حربی کوچلری‌نینگ افغانلر ایشلری‌گه اره‌لشمس لیگی کیره‌ک. تشقی کوچلر بولمه‌گنده هم افغان خوف‌سیزلیک کوچلری اوز اولکه لری امنیتی‌نی تامین‌لشگه قادر بولگن.
بارک اوباما امیریکه جمهورلیک ریاستی‌ده اولتیرگنی‌دن کیین، افغانستان‌ده امیریکه حربی کوچلری‌نینگ حضوری‌گه قرشی ایدی. شوسبب حکومتی‌نینگ باشله‌نیشی بیلن افغانستان‌دن امیریکه کوچلری نینگ کمه‌یتیردی.
حاضرگی کونلرده افغانستان‌ده امیریکه حربی کوچلری‌دن 10500 ته‌سی قالگن و بارک اوباما گه‌کور، بو رقم هم میلادی 2016- ییل گچه اوز اداغی‌گه ییتیشه‌دی.
