سیلاولر ایرکین کمیسیونی، نماینده لرکینگشی سیلاویدن چیقاریلگن نامزدلر بیلن ساعتلرچه تارتیشگندن سونگ آواز بیریش ورقلرگه نامزدلر ییرنی تثبیت قیلیش لایحهنی باشلهگن.
عینحالده، سیلاولر ایرکین کمیسیونینینگ سوزلاوچیسی حفیظالله هاشمینینگ ایتیشیچه، سیلاولر شکایتلرینی تینگلش کمیسیونی تامانیدن ترقهلگن رویخط قانونیگه قرشی دیر و اوشبو نهاد گه هیچقندی رویخطنی ترقهتیش صلاحیتی یوق.
جناب هاشمی گه کوره، سیلاولر شکایتلرینی تینگلش کمیسیونینینگ سیلاولر ایرکین کمیسیونی گه بو توغریده رسمی شکلده معلومات بیریشی لازم.
سیلاولر ایرکین کمیسیونی، رویخطیدن چیقاریلگن نامزدلرگه استیناف ایستهش حقی بیریلیشیدن امیدوارلیک قیلهدی. اوشبو کمیسیون گه کوره، رویخطدن چیقاریلگن نامزدلر قیتهدن رویخطکه کیلتیریلگن صورتده اولرنینگ آتلری آواز بیریش ورقینینگ اداغیده یرلشتیریلهدی.
بیراق سیلاولر شکایتلرینی تینگلش کمیسیونی سوزلاوچیسی علیرضا روحانینینگ جناب هاشمینینگ صحبتلریگه قرشی ایتیشیچه، ترقهتیلگن رویخط نینگ سیلاولر ایرکین کمیسیونی تامانیدن ترقهتیلهدیگن نهایی رویخطدن هیچ فرقی یوق.
روحانینینگ ایتیشیچه، سیلاولر شکایتلرینی تینگلش کمیسیونی عمل کردلری خصوصیده سیلاولر ایرکین کمیسیونیگه معلومات بیریش گه مجبور ایمس و اوشبو نهاد قراریگه اوزگرشلیک کیلمهیدی.
عینحالده سیلاولر ایرکین کمیسیونی گه، آواز بیریش ورقلرده نامزدلرنینگ یرینی تثبیت قیلیش لایحه باشلنگن و سیلاولر ایرکین کمیسیونی رسمیلریگه کوره، بوکیچه اوشبو لایحه تکمیل بولهدی.
سیلاولر ایرکین کمیسیونی رسمیلرینینگ ایتیشیچه، نامزدلر رویخطی نهایی بولگنیدن سونگ اوشبو رویخط چاپ ایتیلیش اوچون چیتایللیک مملکت گه یوباریلهدی و چاپ ایتیلگن آواز بیریش ورقلرنینگ 30-35 کون جریانیده سیلاولر ایرکین کمیسیونی اختیاریگه قرار تاپیشی ممکن.
