خلق ارا انسان حقلری ادارهسی، ایکی کون آلدین بیر گزارش آرقهلی ملی مدافعه وزیرلیگینینگ سرپرستی اسدالله خالدنی سابق ماموریت جریانیده زورهوانلیک، قتل و جنسی زورهوانلیککه عیبلب و همکارلیک قیلهدیگن مملکتلردن جناب خالدنی تحریم قیلیشینی سورگن.
بوگون "دوشنبه" نمایندهلر کینگشی اعضالری، خلق ارا انسان حقلری ادارهسینینگ گزارشینی ناتوغری عنوان قیلگنلر.
نمایندهلر کینگشی باشلیغی عبدالرووف ابراهیمینینگ ایتیشیچه، اوشبو حرکت سیاسی مقصدلری اوچون افغانستان دشمنلری تامانیدن صورت تاپگن.
عبیدالله بارکزینینگ ایتیشیچه، خلق ارا انسان حقلری ادارهسینینگ گزارشی ناتوغری دیر و اوشبو اداره هردایم افغانستان یشاوچیلریگه خذمت قیلیشنی ایستهگن کیشیلرگه قرشی گزارش ترقهتگن.
جناب بارکزی گه کوره، افغانستان نیچه ییلدهگی اوروشی جریانیده کوپ قطار کیشیلر انسان حقلرینی نقض قیلگن، بیراق اولر توغریسیده هیچقندی گزارش ترقهتیلمهیدی.
اوتگن کونی بویوکلر کینگشی اعضالری هم، اوشبو گزارشگه قرشی کیلیب و بو عیبلرنی ناتوغری عنوان قیلگن ایدیلر.
ایتیش کیرککه اسدالله خالد بیر آی آلدین جمهور رییس تامانیدن ملی مدافعه وزیرلیگیگه سرپرست عنوانیده تعیینلنگن ایدی.
