جمهورلیک ریاستی نینگ چوکیسی اوستیگه جناب غنی و عبدالله آرهسیده یوزبیرگن جنجللرنی حل قیلیش اوچون سابق جمهور حامد کرزی، محمدیونس قانونی، عبدالرب رسول سیاف و محمدکریم خلیلی حرکت قیلیب کیلماقده. اولر قوشمه بیر خبرنامهده، جمهوررئیس غنیدن حکومتده ینگی تعییناتلر توختهتیلیشی نی سورهشگن.
اوشبو قوشمه خبرنامه بوگون (یکشنبه 17- حمل) نشر ایتیلگن کیم اونگه کیلیشیچه، مملکت نینگ جاری وضعیتی گه قرهگنده، همکارلیک و کیلیشوو گه قول تاپیش توغریسیده بولگن هرتامانلمه سعی و حرکت یخشیلیک بیلن آلغه کیتماقده.
شونینگدیک مذکور سیاسی سیمالر جناب عبداللهدن، جنجللرنی حل قیلیش اوچون بیرگن 10 کونلیک وقتی نینگ تمدید قیلیشی نی سورهشگن.
خبرنامه گه کوپهیتیریلیشیچه: «جلالتمآب دکتور محمداشرف غنی بیر نیچه وقت گچه حکومتی رسمیلرنی تعیینلشدن واز کیچیب و شونینگدیک، جلالتمآب دکتور عبدالله عبدالله جنجللر حل ایتیلیشی توغریسیده بیرگن وقتی نی تمدید قیلیشی نی تکلیف بیرهمیز.»
«همهشمول» دولت جمهوررئیسی جناب عبدالله 7- حمل گه مملکت سیاسی سیمالری نینگ آرلشووی بیلن اورته گه چیققن سیاسی جنجللرنی حل ایتیش اوچون 10 کونلیک وقت تعیین قیلگن ایدی کیم اونینگ وقتی، اوتگن کون یکونلندی.
اوتگن کون جناب غنی نینگ یقیینلری، ارگ تعییناتلرنی توختتمهگنده، سیپدار کابینهسینی اعلام قیلیشی توغریسیده آگاهلنتیردی.
جمهوررئیس غنی اوتگن نیچه کونده تشقی ایشلر، مالیه و معلومات و مدنیت وزیرلیگی اوچون نامزد وزیر تانیشتیردی. او شونینگدیک ملی خوفسیزلیک عمومی ریاستی اوچون نامزد تانیشتیریب و عین حالده، کابل بلدیهسی اوچون شاروال و هرات ولایتی اوچون والی تعیین قیلدی.
