زابل ولایتیده اوغیرلنگن ییتی یولاووچی نینگ باشی قوراللی طالب‌لر تامانیدن کیسی‌لگن‌لیگی‌گه عکس العمل بیلدیرگن مملکت‌نینگ اهالیسی، مذکور یولاوچی‌لرنینگ جسدی کابل‌گه کیلتیریلگن‌دن سونگ، اوشبو جسدلر بیلن جمهور رییس‌لیک سرایی، اجراییه ریاستی و بیرلشگن ملت‌لر تشکیلاتی ایشیگی‌گه باریشنی ایتگن‌لر.
طالب‌لر رهبرلریدن بیری ملا منصور دادلله کیشی‌لری تامانیدن بوندن نیچه آی آلدین اوغیرلنگن اوچ ایرکک، 9 یاشلی بیر قیز و ایکی خاتین‌دن عبارت مذکور یولاوچی‌لر نهایتده اوتگن (یک‌شنبه) مذکور گروه بیلن ملااخترمحمد منصور اورته‌سیده یوز بیرگن اوروش نتیجه‌سیده زابل ولایتیده اولدیریلدی.
اوشبو یولاوچی‌لرنینگ جسدی اوتگن کون (یک‌شنبه) غزنی ولایتی‌نینگ یوزلب اهالیسی اشتراکی و قیزل خاچ تشکلاتی همکارلیگی‌ده غزنی ولایتی‌گه آلیب کیلیندی.
مذکور حادثه عاموی اخبارات واسطه‌لری همده اجتماعی صحیفه‌لرده قتیق عکس العمل‌گه روپه ره بولدی. قربان‌لر تخانه‌دانی‌گه تعزیه بیلدیرگن اهالی اوشبو واقعه‌نی هیچ معیارگه توجیه ایتیلمس‌گلینگی ایتگن‌لر.
کونده‌لیک یازووچی جواد نینگ فیسبوک صحیفه‌سیده یازیشیچه، « جنازه‌لرنی کابل آلیب کیله‌میز، اولرنی ییلکه‌میزگه کوتاریب جمهور رییس‌لیک سراییگه آلیب حکومت بیلن بیرگه کومه‌میز».ja
باشقه بیر کونده‌لیک یازووچی حشمت رادفر نینگ فیسبوکه صحیفه‌سیگه یازیشیچه، « عیال‌لر و باله‌لر باشی کیسیلیشی ترورچیلر و عصیانچیلرنینگ اهالی‌گه قیلگن خذمتی دیر و بو ایسه اوتگن 14ییل جریانیده طالبلرگه بیریلگن باج نینگ نتیجه‌سی دیر»
فیسبوک‌چیلردن باشقه بیری ایسه الیاس طاهری‌نینگ یازیشیچه « هزاره‌لر ایاققه تورینگ، هلی اوز نوامیس‌لرینگیز و کیم‌لیکلرینگیزنی حمایت قیلیش زمانی کیلگن»
چیت ایلده استقامت قیله‌دیگن لردن بیری داکتر حمزه واعظی‌نینگ فکریگه کوره، « اوچ عیال و بیرگودکنی باشی کیسیلیشی بوتون هزاره‌لر و سیاسی رهبرلر اوچون ییریک تهدید دیر دیگن»
شونینگ‌دیک حکومت‌نینگ بلند مرتبه‌لی رسمیلری اوز فیس بوک صحیفه‌لریده قربان‌لر عایله‌سی‌گه تعزیه بیلدیرگن‌دن تشقری، حادثه‌نی قاره‌لب، مساله اوچون جدی عکس العمل بیلدیرگن‌لر.
جمهور رییس‌نینگ حقوقی مصلحتچی‌سی عبدالعلمی محمدی‌نینگ اوز صفحه‌سیده یازیشیچه « بو حادثه باره‌سیده یاروق جواب بیریلیشی کیره‌ک»
جمهور رییس‌نینگ سابق اورین باسری محمد کریم خلیلی اوز اعلامیه‌سیده یازیشیچه، « تاسف بیلن مذکور شخص‌لر حبس‌دن آزاد ایتیلیشی اوچون اوزاق وقت قولدن بیریلدی، اما حکومت و دولت بو توغریده بولگن مسوولیتی اوچون بی فرق یانده‌شگن»
نماینده‌لر مجلسی‌نینگ اعضالریدن باشقه بیری محمد عارف رحمانی، حادثه عامل‌لری تیزلیکده قول‌گه آلینیشینی سوره‌گن.
مملکت‌ده ملی بیرلیک حکومتی ایجاد ایتیلگن‌دن سونگ خوف‌سیزلیک‌لر میزانی کوتیلمه‌گن درجه‌ده آشدی. افغانستان‌نینگ عمومی یول‌لریدن یولاووچی‌لر اوغیرله‌نیشی ییریک بیر فرهنگ‌گه ایلندی.
