.jpg)
کابلنینگ شکر درهتومنی یشاووچیسی 22یاشرمحمدامین میدان وردک کاروانیدهگی عسکرلردن بیری ایدی. اونینگ تومورش قورگنلیگیدن چمهسی بیر یریم ییل اوتگن ایدی. اونینگ توغنیچ فرزندی دنیاگه کیلگن لیگینینگ ایلک کونلریده عالمدن اوتهدی؛ اما، عایهسی محمدامیننینگ ایکینچی بالهسی دنیاگه کیلیشنی کوتگن، بیراق، او فرزندینی قوینیگه آلمسدن او بیلن دایمی وداعلشدی.
امیننینگ تورموش اورتاغی 21 یاشر عیال. او، تورموش اورتاغی هلاک بولگنلیگی توغریسیدهگی خبرنی ایشیتیب روحی شکست کوریب، گپیریش قابتلیتنی قولدن بیرگن.
شونینگدیک مذکور عسکرنینگ آنهسی فرزندی اوچ آی آلدین ملی کوچلر صفیهگه کیرگن لیگینی ایتهدی. اونینگ حکایهسیگه کوره، جمهور رییس یاش فرزندینی قولدن بیرگن تقدیرده ایدی، بوآغیر جدالیکنی سیزردی؛ اما، « افسوس بولرنینگ آغیریغینی سیزمیدی»
محمدامیننینگ آتهسی ملی اردونینگ تقاعدگه چییققن حربی لریدن بیری. او، امین نینگ قربان ایتیلگنلیگی بارهسیده ایتیشیچه، فرزندی خلق جانی خوفسیزلیگی تامین لهنیشی اوچون قیزیقیشی کتّه ایدی و وطننی مدافعه قیلیش اوچون ملی کوچلر صفیگه قوشیلگن ایدی.
.jpg)
شو کبی محمدامیننینگ آتهسی حادثهدن کیین حکومت تامانیدن بیریلگن پولده فاتحه اوقیش مراسمینی اوتکزگنلیکلرینی تیلگه آلهدی. لیکن، بو ایش بیلن فرزندی قیته تیریلمیدی. او، دولتنی خطاب قیلیب ایتیشیچه، بیر قنچه شخصلرنینگ تفاوتسیزلیگی سبب بو مملکتنینگ فرزندلری اولجه بولمسلیگی کیرهک. محمدنذیر، حکومتدن بو وضعیتگه پایان بیریشنی سوره گن.
محمدامین خانهدانینینگ کوپینچه اعضاسی ملی پولیس صفیده وطنگه خذمت قلهدی. بو عایلهنینگ ینه بیر فرزندی زابل ولایتیده پولیس صفیده خذمت ایتهدی.
میدان وردک پولیس کاروانیگه قرشی صادر ایتیلگن هجوم جدی عکسالعملرگه سبب بولدی. بیر قطار کیشیلر، حادثه دولتنینگ بیر قنچه ملازملری همکارلیگی اساسیده یوز بیرگن لیگینی ایته دیلر.
حادثه دن کیین جمهور رییسلیک سرایی موضوع یاروتیلیشی اوچون هیات تعین ایتگن ایدی. هیاتنینگ آلیب بارگن تحقیقیدن کیی ایچکی ایشلر وزیرلیگینینگ 10 ملازمی ایشی توخته تیلدی. لیکن، هنوزگچه هم بو حادثه قندهی بولیب صادر ایتیلگنلیگی جمباق بولیب قالماقده.
