امیریکه قوشمه ایالت‌لری‌نینگ مدافعه وزیری اشتون کارتر، بوگون «جمعه» توشدن آلدین، ایلگریدن معلوم قیلینمه‌گن بیر سفرده افغانستان‌گه ییتیب کیلدی. امیریکه مدافعه وزیری‌نینگ بو سفریدن مقصد جمهور رییس غنی بیلن اوچره‌شیش و افغانستان حربی کوچلری‌نینگ اوروش ظرفیتی‌نی کوتریش خصوصیده بحث اوتکزیش دییلگن.
امیریکه مدافعه وزیرلیگی رسمی‌لری‌گه کوره، جناب کارتر، بگرام حربی قرارگاهی‌گه سفر قیلیب مملکتی‌نینگ حربی کوچلری بیلن اوچره‌شه‌دی. شو حاضر افغانستانده امیریکه‌نینگ چمه‌سی 9800 عسکری بار و بو عسکرلر افغانستان امنیتی کوچلری‌گه حربی تعلیمات و مصلحت بیریش ایشلری بیلن مشغول بولیب تورگن.
امیریکه میدیالریدن ترقه‌تیلگن گزارشلر اساسیده، جناب کاترنینگ بو سفریدن کوپراق مقصد افغانستانده‌گی امیریکه کوچلرینی کوریش و اولر بیلن خیرله‌شیش دییلگن.
کیله‌جک میلادی 2017- ییل، بارک اوباما، قدرت‌نی رسمی شکلده امیریکه قوشمه ایالت‌لری‌نینگ ینگی جمهور رییسی دونالد ترامپ‌گه تاپشیریشی خصوصیده قرار قیلینگن و ترامپ ایسه، جنرال جمیزمتیس نی مدافعه وزیری صفتیده تانیشتیرگن.
