قطرده طالبان نینگ سیاسی دفتری سوزلاوچیسی سهیل شاهین نینگ توییتر صحیفهسیده یازیشیچه: «اسلامی امارت آمریکا بیلن امضا قیلگن شرطنامهده جامعی میکانیزملرنی قبول قیلدی و مذکور میکانیزملر خوفسیزلیک کینگشی و خلق ارا جماعهسی تامانیدن تصدیقلندی، اوشبو شرطنامه کامل صورتده عملگه آشیریلگن صورتده، بیزلرنی آتیشکیسین و تینچلیککه یقینلشتیرهدی. مینگلرچه محبوس کرونا خطر بیلن دوچ کیلگن، تینچلیک جریانیگه توسیق بولینگن و شرطنامه کامل صورتده عملگه آشیریلمهگن، بوندهی بیر وضعیتده آتیشکیسین طلبی توغری ایمس.»
افغانستان جمهور رئیسی محمداشرف غنی، اوتگن کونی رمضان آیی مناسبتی بیلن بیر پیام نشر قیلیب طالبان گروهیدن آتیشکیسین قیلیشینی طلب قیلگن ایدی.
محمداشرف غنی، مذکور پیام ده طالبان گروهیدن رمضان آیگه حرمت قیلیش بیلن مملکت بوتون ولایتلریده آتیشکیسین اعلان قیلیشینی سورهگن.
جناب غنی نینگ ایتیشیچه، افغانستان حکومتی و اهالیسی طالبان گروهیدن افغانستان مسلمان اهالیسینی اولدیریشدن قول تارتیب و تینچ فضا ده حیات کیچیریشنی ایستهیدی.
ایتیلیشیچه، مملکتده کرونا ویروسی چیقگنیدن سونگ، افغانستان حکومتی نیچه مرته طالبان گروهی دن آتیشکیسین قیلیشینی طلب قیلدی.
شونینگدیک، ملی خوفسیزلیک کینگشی هم سونگی ایکی هفته جریانیده، تینچ اهالی تلفاتیگه توسیق بولیش و تینچلیک سوزلشوولر ایجابی نتیجه بیریشی اوچون طالبان گروهیدن آتیشکیسین اعلان قیلیشینی سورهگن.
بیراق طالبان گروهی حاضرگهقدر اوشبو ایستکلرگه ایجابی جواب قیترمهگن.
