افغانستان ملی مدافعه وزیرلیگی رسمی کابل – واشنگتن اورته‌سیده امضالنگن امنیتی بیتیم نینگ مملکت هوا کوچلری جهازله‌نیش بولیمی درست شکلده عملی بولمه‌گن لیگی باره‌سیده خبر بیرگن.
مملکت ملی مدافعه وزیرلیگی‌نینگ سرپرستی محمد معصوم استانکزی‌نینگ بوگون (دوشنبه) اوشبو شرطنامه تیکشیریلیشی مناسبتی بیلن کابل‌ده اوتکزیگن خبری ییغینده ایتیشیچه، مذکور کیلیشونینگ اساسی بندلریدن عبارت افغان ملی کوچلرینی جهازلش بولیمی عملی ایتیلمه‌گن و امنیتی کوچلرنی جهازلش بولیمی‌نینگ بیر قسمی انچه تکمیل ایتیلگن.
سنا مجلسی نینگ جهانی علاقه‌لر کمیسیونی تامانیدن اوتکزیلگن ییغینده اشتراک قیلگن مملکت ملی مدافعه وزیرلیگی سرپرستی نینگ سوزلریگه کوره، « ترانسپورت و حربی اوچاق نقطه نشرده ییترلی درجه‌ده همکارلیک بولگن، لیکن، حربی هوا کوچلری بولیمی‌ده هنوز هم ییریک معما بیلن روپه ره میز دیگن»
افغاستان سنا مجلسی نینگ باشلیغی فضل هادی مسلم‌یارنینگ اوشبو اولتیریش اوتکزیلیشی‌دن نیت، امنیتی پیمان نینگ ماده‌لر عملی بولیشی اوچون موجود معما، مذکور شرطنامه‌نینگ یوتوق‌لری و دولت بلند مرتبه‌لی رسمیلری‌نینگ اوشبو کیلیشوو عمل‌گه آشیریلیشی اوچون بیرگن وعده‌لرینی تیکشیریش بولگن دیگن.
مدافعه وزیرلیگی‌نینگ سرپرستی‌گه، ملی اردونینگ ضربتی قطعه‌سی اوتگن آلتی آی نینگ بیرینچی باسقیچی‌ده 140 زرهی اسکونه بیلن جهازلنگن و ایکینچی باسقیچ‌ده پیاده کوچلر زمانوی حربی قوراللر بیلن جهازله‌نیشی ممکن.
شونینگ‌دیک جناب استانکزی، افغانستان منطقه‌یی همکارلیکلر بولیمی‌ده کیین‌گه قالگن و منطقه مملکت‌لری ترورچیلیککه قرشی کوره‌شیش اوچون بو مملکت‌گه همکارلیک قیلیشلری لازم.
افغانستان ملی بیرلیک حکومتی تشکیل ایتیلگن‌دن بیر کون سونگ رسمی کابل – واشنگتن ارا اوزاق مدتلی خوفسیزلیک شرطنامه‌گه قول قوییلدی، اما مملکت‌ده نابرقرارلیکلر میزانی آشیشی مذکور پیمانگه نسبتن تنقیدلر آشیشی‌گه باعث بولگن.
