بوگون ایرتهلب ساعت 5 ده، خودکش هجومچی کابل شهری 9- حوزهگه تیگیشلی بنایی منطقهسیده نیپاللیک فقرالرنی تاشیووچی موترنی هدف قرار بیرگن.
ایچکی ایشلر وزیرلیگی تامانیدن میدیاگه یوباریلگن خبرنامهده ایتیلیشیچه، هجوم نتیجهسیده 14 نیپاللیک هلاک بولگن و باشقه 5 نیپاللیک و 4 افغانستانلیک یرهلنگن.
اوشبو هجوم نیپال فقرالرینی تاشیووچی موتر قرارگاهلریدن چیقیب وزیر محمداکبرخان 13- جادهسیده کانادا ایلچی خانهسی تامان کیتهیاتگن بیر چاغیده یوزبیرگن.
محل یشاوچیلرینینگ بیاناتیگه کوره، اوشبو هجوم قربانلیگی ایچکی ایشلر وزیرلیگی تامانیدن ارایه ایتیلگن رقمدن آرتیق دیر. مذکور واقعه مالی زیانلرهم ییتکیزگن.
