قطرده طالبان گروهی نینگ سیاسی دفتری سوزلاوچیسی سهیل شاهین، اوز تویتر صحیفهسیده یازیب ایتیشیچه، افغانستاندن چیتایللیک کوچلر چیقیشی خصوصیده کیلیشیگنیدن سونگ، بو گروه افغانستان بیلن مذاکره قیلیشی ممکن.
جناب شاهین نینگ اورغولشیچه، لیکن طالبان گروهی افغانستان حکومتی بیلن بیر دولت صفتیده مذاکره قیلمهیدی.
سلاموطندارگه صحبت بیرگن طالبان گروهی سابق رسمیلریدن بیری سیداکبرآغانینگ ایتیشیچه، قطرده آمریکا و طالبان گروهی نینگ نمایندهلری آرهسیده تینچلیک سوزلشوولری دوام ایتماقده و بو ییغین آجنداسی هم افغانستاندن چیتایللیک کوچلر چیقیشی خصوصیده بولگن.
اونگه کوره، بو سوزلشوولر دوام ایتیشی ممکن، افغانستاندن چیتایللیک کوچلرنینگ چیقیش زمانی اوستیگه کیلیشیلگونگهقدر، آتیشکیسین و باشقه مسئلهلر توغریسیده مذاکره قیلینمهیدی.
بیراق، اوتگن کون کابلده خبری بیر ییغین اوتکزگن تشقی ایشلر وزیرلیگی سوزلاوچیسی صبغتالله احمدی، کیلهجک ایکی هفته ده افغانستان حکومتی و طالبان گروهی آرهسیده تینچلیک سوزلشوولری باشلهنیشینی ایتگن ایدی.
عین حالده، میدیالردن بیرقطاری آرقهلی ترقهتیلگن گزارشلرگه کوره، آمریکا و طالبان گروهی نمایندهلری آرهسیده باشلنگن 7- دور تینچلیک سوزلشوولریده ایریم یوتوقلر قولگه کیریتیلگن و اولر بو دور سوزلشوولرده کیلیشیشلری ممکن.
شو توغریده…
افغانستانلیکلر ارا تینچلیک سوزلشوولری کیلهسی ایکی هفتهده یولگه قوییلهدی
