د هندوستان په کوربتوب د ۱۹ کلنو په روان درې اړخیزه کرکټ سیالیو کې افغان نولس کلنې کرکټ ملي لوبډلې تېره ورځ له هندۍ لوبډلې سره لوبه ترسره کړه چې د تاریخي بریا چانس یې له لاسه ورکړ.
د هندوستان کرکټ بورډ د رسمي ویبپاڼې د معلوماتو له مخې چې په سیالۍ کې کوربه لوبډلې افغان لوبډلې ته په ۳۳ منډو ماتې ورکړه.
په سیالۍ کې افغان لوبډلې و نه کړای شو، چې د کوربه نولس کلنې کرکټ ملي لوبډلې له خوا د ۲۳۷ منډو هدف ترلاسه کړي.
د هندوستان کرکټ بورډ د معلوماتو له مخې چې هندۍ لوبډله له خپل هدف څخه ددفاع په موخه بریالۍ شوه او افغان لوبډله یې په ۲۰۳ منډو وسوځوله.
د افغانستان له پاره د لوبې غوره لوبغاړی راشد ارمان شینواری وو، چې لومړی یې د ۴ هندي لوبغاړو په سوځولو سره هندۍ لوبډلې له ستر هدف څخه ایساره کړه او بیا یې د افغانستان د بیټسمینانو د ناکامیدو سره په بیټینګ کې ۴۳ منډی جوړې کړې، خو لوبډله یې هدف ته و نه شوه رسولې.
په دې سیالیو کې به افغان ۱۹ کلنه کرکټ ملي لوبډله دویمه لوبه سبا د افغانستان په وخت سهار ۷ نیمې بجې له بنګله دیش نولس کلنې کرکټ ملي لوبډلې سره ترسره کړي.
دغه سیالۍ د هندوستان کرکټ بورډ له خوا برابرې شویدي دي چې موخه یې د بنګله دیش په کوربتوب ۲۰۱۶ م کال نولس کلنو پنځوس اوریزه کرکټ نړیوال جام سیالیو ته د درې واړو ګډون کوونکو لوبډلو ښه تیاری ښودل شوی دی.
هندوستان د افغانستان۱۹کلنې کرکټ ملي لوبډلې په روان سفر کې روزنه پخواني لوبغاړي رییس احمدزی او دولت احمدزی په غاړه لري.
د اعلان شوي مهال ویش له مخې روان درې اړخیزه سیریز پرون د نومبر په ۲۰ مه نیټه پیل او تر ۳۰ مې نیټې به په کلکته ښار کې روان وي.
