افغانستان و ترکمنستان رسمیلری ارا کیلیشمه ایسلتمه‌سی قوشیمچه، پول یوویش‌گه قرشی کوره‌شیش، سپورت، بیلیم و تکنالوژی، سوداگرلیک و اقتصاد بولیم‌لریده یوکسه‌لیش یاردم‌لیکلری ناملی 5 کیلیشووگه قول قویلدی.
پنج‌شنبه کونی ترکمنستان جمهور رییسی قربان‌قلی بیردی محمدف جمهور رییس غنی بیلن بیرگه‌لیک خبری ییغین‌ده چیقیش قیلیشی بیلن اولکه‌سی افغانستان بیلن یاردم‌لیکلر یوکسه‌لتیریشی‌گه تیار ایکن‌لیگی‌نی بیلدیردی. او، افغانستان تینچ‌لیک سوزله‌شوولری باره‌سیده، ترکمنستان یاردم بیریشی‌گه تأکید قیله‌دی و بیرلشگن ملت‌لر تشکیلاتی حمایت بیلن اوشبو روند ده شامل بولیشینی اورغوله‌دی.
ترکمنستان جمهور رییسی پنج‌شنبه کونی کابل ییتیب کیلیشی بیلن، تیزلیک‌ده تاپی لوله‌سی ایشی باشلنه‌دی دیب کوپه یتیرگن. شونینگ‌دیک مذکور اولتیریشده افغانستان اوچون صادر ایتیله‌دیگن برق 5 برابر کوپه‌یتیریلگن‌لیگی‌دن خبر بیردی.
ترکمنستان جمهور رییسی، افغانستان‌ده مخدرماده‌لرگه قرشی کوره‌شیش، منطقه تروریسم و عصیانگرچی‌لیکلریگه قرشی کوره‌شیش اوچون یاردم بیریشگه اوز تیارگرلیگی‌نی کورسته‌دی. او، افغانستان بوله‌دیگن یاردم‌لیکلری بو اولکه ایچکی ایشلریگه اره‌لشمس‌لیگی بیلن بولیشینی بیلدیرگن.
جمهور رییس غنی اولکه‌ده کیلتیره‌دیگن برق 5 برابر کوپه‌یتیریلگن‌لیگی‌نی خوش قرشیلب، ترکمنستان اولکه‌سی نینگ تیمیر یول و سوداگرلیک بولیم‌لریده یاردم‌لیکلرینی کوپه‌یتیریلیشی‌نی ایسته‌دی. جناب غنی ترکمنستان اولکه‌سیدن بیر یخشی شریک و نیک نام قوشنی دیب عنوان قیلدی و هردایم ایکی اولکه رابطه‌سی یخشی ایکن‌لیگی‌نی تیلگه آلدی. غنی تاپی لایحه‌سی، کیله‌سی یقین پیتده عمل‌گه آشیریله‌دی دیب کوپه‌یتیردی.
ترکمنستان تاپی لوله یا لایحه‌سی، 1680 کیلومتر اوزونلیگی بیلن هرکون 90 میلیون متر مکعب گازنی ترکمنستان‌دن هند گه اوتیب باره‌دی. توشیریلگن لاحه‌لر اساسیده، مذکور پروژه کیله‌سی 2018-ییل عمل‌گه آشیریله‌دی.
بو لوله خطی هرات و کندهاردن پاکستان اوته‌دی و ملتان، کویته و پنجاب‌دن هندگه اوتیب باره‌دی. تاپی لوله‌سی افغانستان و پاکستان اوچون کتته اقتصادی اهمیت‌گه ایگه بوله‌دی. بیرینچی طرح‌ده، اوشبو لایحه عمل‌گه آشیریلیشی بیلن هرییل افغانستان سهمی ایکی میلیارد تُن گاز بولیشی ممکن.
