افغانستان ملی کریکت تیمی دنیا بویلب بیلشوو اوز پایانی‌گه ییتگن‌دن سونگ، «انترکانتیننتال» بیلشوویده‌گی ایکینچی درجه‌لی تیم‌لر بیلن میدان‌گه چیقه‌دی. مذکور بیلشوونینگ جدولی دنیا کریکت کینگشی تامانی‌دن اعلان ایتیلگن.
مذکور بیلشوونینگ بیرینچی اویینی‌ده افغانستان اسکاتلند تیمی بیلن میدان‌گه چیقیشی کوتیله‌دی. افغانستان و اسکاتلند میلادی 2015- دنیا بویلب اوتکزیلگن بیلشووده هم رقابت قیلگن. بو بیلشووده افغانستان اسکاتلندنی شکست‌گه دوچار قیلگن‌دی.
دنیا کریکت کینگشی اداره‌سی آرقه‌لی بیریلگن معلومات‌ده، مذکور بیلشوونینگ بیرینچی باسقیچی اپریل آیی‌ده باشلنیب، جون آییگچه دام ایتیشی انابت‌گه آلینگن.
بو اویین‌لرنینگ بیرینچی باسقیچی‌ده سعودی عربستانی ملی کریکت تیمی بیلن ایرلند اوینیدی. بونینگ دوامی‌ده هالند پی ان جی و نامییا ایسه هانگ‌کانک بیلن رقابت ایته‌دی.
دنیا کریکت کینگشی نینگ معلوم قیلیشیچه، مذکور بیلشوونینگ ایکینچی دوری جاری ییل آگست‌دن نوامبرگه قدر اوتکزیله‌دی؛ بو مسابقه ده افغانستان پی ان جی بیلن میدان‌گه چیقه‌دی.
مذکور بیلشوونینگ اوچینچی دوری میلادی 2016 نینگ فبروری آیی‌دن جون آییگچه اوتکزیلیشی رجه‌لنتیریلگن. بو بیلشووده ایسه افغانستان هالند قرشیسی‌ده چیقه‌دی.
شونینگ‌دیک تورتینچی باسقیچ 2016- ییل آگست آیی‌دن نوامبر آییگچه اوتکزیله‌دی. بو مسابقه‌ده افغانستان هالند بیلن اوینیدی.
2017- ییل‌ده اوتکزیلیشی کوتیله دیگن مذکور بیلشوونینگ بیشینچی باسقیچی‌ده افانستان ایرلند بیلن میدان‌گه چیقیشی مول‌جللنگن.
شوکبی دنیا کریکت کینگشی انترکانتینینتال بیلشوویده یوتگن تیم «تست» تیمی بیلن رقابت‌گه چیقیشی کیره‌ک دیگن.
مذکور بیلشوولر آقیم‌ده کینیا و نیپال تیم‌لری افغانستان و ایرلند قوشیلیب، باشقه 8 بیلشوو اوتکزیلیشی ممکن.
