سلام‌وطندارگه صحبت بیرگن مالیه وزیرلیگی‌نی سوزلاوچیسی شمروزخان مسجدی‌نینگ ایتیشیچه، اوشبو وزیرلیک جاری ییل‌‌نینگ قوس آیی‌نی 10 ده، 1398- مالی ییل بودجه‌سینی تصدیق‌لنیشی اوچون نماینده‌لر کینگشی گه یوبارگن؛ بیراق بو بودجه حاضرگچه تصدیق‌لنمه‌گن.
مسجدی گه کوره، مالیه وزیرلیگی 1398- مالی ییل بودجه‌سی توغریسیده نماینده‌لر کینگشی اعضالری‌نینگ سوراقلری و خواطرلریگه آچیق جواب بیرگن؛ بیراق نماینده‌لر کینگشی اعضالری‌نینگ آره‌سیده بودجه توغریسیده‌گی بحث حاضرگچه دوام ایتماقده.
مالیه وزیرلیگی‌نی سوزلاوچیسی‌نینگ ایتیشیچه، کیله‌جک آی گه‌قدر نماینده‌لر کینگشی تامانیدن مالی بودجه تصدیق‌لنمه‌گن صورتده، حکومت‌نی جدی قیین‌چیلیک بیلن روپه‌ره بولیشی ممکن.
عین‌حالده، نماینده‌لرکینگشی‌نی مالی و بودجه کمیسیونی اعضاسی انجینر کمال صافی‌نینگ ایتیشیچه، اوچ هفته‌دن بویان حکومتی اداره‌لر بیلن بودجه‌نی تصدیق‌لش خصوصیده، مسکلی شکلده ایش قیله‌دیلر.
جناب صافی گه کوره، نماینده‌لر کینگشی تامانیدن مالی بودجه‌نینگ تیزلیک‌که تصدیق‌لنیشی خصوصیده امیدوارلیکلر بار دیر.
1398-ییل مالی بودجه گه 399 میلیارد افغانی نظرگه توتیلگن و بو جمله‌دن 257 میلیاردی‌نی عادی بودجه و 124 میلیاردی‌نی ایسه کینگی‌تیریش بودجه تشکیل بیره‌دی.
