کنر برق توغانینی قیته قوریش قراردادی میلادی 2004- ییلده نورمال ناملی روسیهلیک خصوصی بیر شرکت بیلن امضالندی، بیراق اوشبو شرکت مسؤوللری، ایش باشلهنیشیدن آلدین، مذکور برق توغان خرجتیدن 240000 دالرنی قولگه کیریتیب قاچیب کیتگن.
سلاموطندار بیلن صحبت اوتکزگن کنر برق توغانی آمری انجنیر عطااللهنینگ ایتیشیچه، مذکور توغاننینگ ماشینلرینی ایسکیریش تاریخی یکونلنگن ایکن و شو یوز دن سوو و برق وزیرلیگی، بو توغاننی قیته قوریش اوچون روسیهلیک خصوصی بیر شرکت بیلن 283000 دالر ارزشی بولگن کیلیشووگه قول قویگن و بو شرکت برق توغانینینگ ایشی باشلهنیشیدن آلدین، 240000 دالرنی قولگه کیریتیب قاچیب کیتگن.
کنر برق توغانی آمریگه کوره، سوو و برق وزیرلیگی و روسیهلیک شرکت آرهسیده قول قوییلگن کیلیشوو اساسیده، مذکور شرکت توغاننینگ قیته قوریش ایشینی آلتی آی ایچیده یکونلنتیریشی کیرهک ایدی.
اونینگ ایتیشیچه، روس شرکتی تامانیدن قوندیریلگن توربینلر حاضر بوزیلگنلر.
سلاموطندار بیلن صحبت اوتکزگن سوو و برق وزیرلیگی تدارکاتی اداره باشلیغی ولیالله جبارخیلنینگ ایتیشیچه، بو کیلیشووگه میلادی 2004- ییل قول قوییلگن و او، بوندن خبر سیز دیر.
کنر اهالیسی ایسه، اوشبو توغاننینگ قراردادی روس شرکتی بیلن باغلنگنینی سوراقلی دیب و حکومتدن ایش باشلنمهسیدن آلدین، روسیهلیک شرکتگه بیریلگن پول توغریسیده معلومات بیریشینی طلب قیلهدیلر.
کنر برق توغانی، 700 کیلووات برق بیریشگه قادر و بو توغان 32 ییل آلدین قوریلگن، بیراق تخنیکی قیینچیلیکلر سبب، حاضر 200 کیلووات برق بیرهدی.
