هرات ولایتیده نورم و استندرد نمایندهلیگی مسؤوللری، اوشبو ولایتگه آلیب کیلینهدیگن صفتسیز نفتی مادهلر 70% کمهیگنیدن خبر بیرهدیلر. اولرنینگ ایتیشیچه، اسلامقلعه و تورغندی بندرلریدن آلیب کیلینهدیگن نفتی مادهلر صفتی جدی شکلده تیکشیریلگنی باعث، صفتسیز مادهلر آلیب کیلینیشی 70% کمهیگن.
هرات ولایتیده نورم و استندرد نمایندهلیگی سرپرستی عبدالواسع خادمینینگ ایتیشیچه، اسلامقلعه و تورغندی بندلریده مذکور اداره تامانیدن شعبهلر قوریلگنیدن بویان بوندن آلدین مملکتگه صفتسیز نفتی مادهلرنی آلیب کیلهدیگن سوداگرلر حاضر بو ایشنی قیله آلمهیدیلر.
بیراق جناب خادمینینگ ایتیشیچه، حاضر سوداگرلر صفتسیز نفتی مادهلرنی قوشنی ولایتلرنینگ چیگرهلریدن مملکتگه آلیب کیلهدیلر.
هرات ولایتیده نورم و استندرد نمایندهلیگی سرپرستینینگ ایتیشیچه، اوتگن ییلنی سونگی 3 آییدن بویان هرات شهریگه آلیب کیلینهدیگن 80 دن آرتیق نفتی ماده تولدیریلگن تانکرنی آلدی آلینگن و شونینگدیک، اوشبو ولایتده قانونگه قرشی فعالیت قیلهدیگن 11 شرکتنینگ جوازی لغو ایتیلگن.
هرات ولایتیده نورم و استندرد ادارهسی نمایندهلیگی بیرینچی مرته قویاش 1392- ییلده اسلامقلعه و تورغندی بندرلریده گاز و نفتی مادهلر صفتینی تیکشیریش اوچون افغانستان نورم و استندرد ادارهسی تامانیدن آچیلدی.
