افغانستان فوتبال ملی تیمی 2018- ییل دنیا بویلب روسیه‌ده اوتکزیله دیگن اویین‌لرنینگ باشلنغیچ جریانیده ایرته‌گه جاپان بیلن چیقه‌دی.
فوتبال فدراسیون خبرنامه‌سی‌گه کوره، بو افغانستان ملی فوتبال تیمی‌نینگ روسیه جام جهانی دستلبکی اویینلریده‌گی اوچینچی اویینی دیر. مسابقه ایرته ساعت 4:55 دقیقه‌ده تهران آزادلیک سپورت میدانی‌ده اوتکزیلیشی کوتیله‌دی.
بو بیرینچی مرته افغانستان ملی فوتبال تیمی جاپان بیلن میدان چیقه‌دی.
ایتیلیشیچه، مذکور اویین افغانستان‌ده نابرقرارلیک سبب تهران میزبانلیگی‌ده اوتکزیلماقده.
افغانستان فوتبال فدراسیونی‌نینگ خبرنامه‌سیده، مملکت ملی فوتبال تیمی‌نینگ اویینچیلری بوگون تایلند دن ایران‌گه کیلیب، ایرته اوتکزیله‌دیگن مسابقه اوچون تمرین‌گه باشله‌گن لیگی حقیده یازیلگن.
افغانستان بیشینچی (ای) گروهی‌ده سنگاپور، سوریه و جاپان تیملری بیلن هم اویین بولگن و هنوزگچه بیر پیروزلیک و بیر شکست بیلن گروپ‌نینگ تورتینچی اورنیده تورگن.
جاپان ملی فوتبال تیمی آسیانینگ اینگ یخشی فوتبال تیملریدن سنه‌له‌دی. مذکور تیم هنوزگچه دنیا بویلیب نیچه مرته مسابقه‌لرده اشتراک قیلگن.
افغانستان ملی فوتبال تیمی، جاپان اوتگن هفته تایلند بیلن اوتکزگن دوستلیک مسابقه‌ده شکست ییگن بیر پیت‌ده بو تیم بیلن مسابقه‌گه چیقماقده. اما، جاپان ملی تیمی اوتگن هفته کمبودیا تیمی نی اوچ گول اوریش بیلن پیروزلیک‌که ایریشگن ایدی.
دنیا فوتبال فدراسیونی‌نینگ سونگی رده‌بندلیگی‌ده، افغانستان دنیا بویلب 130- رده و جاپان ایسه 58- رده ده تورگنی معلوم قیلینگن.
