افغانستان تینچلیک لایحه‌سی بوییچه آمریکا تشقی ایشلر وزیرلیگی‌نی خاص نماینده‌سی زلمی خلیلزاد، اوتگن کون میدیالردن بیری بیلن اوتکزگن صحبتیده ایتیشیچه، افغانستان جمهورلیک ریاستی نینگ سیلاوی یولگه قوییلگونگه‌قدر حکومت و طالبان گروهی آره‌سیده تینچلیک تأمین‌لنمه‌گن صورتده، اوشبو سیلاو یولگه قوییلیشی کیچیکتیریلمه‌یدی.
جناب خلیلزاد، حکومت و طالبان گروهی آره‌سیده تینچلیک سوزلشوولر زمینه‌سی‌نینگ یره‌تیلیشی اوستیگه تاکید قیلگن.
مملکت سیاسی ایش بیلرمانلریدن بیرقطارینی خلیلزاد صحبت‌لریگه اشاره قیلیب ایتیشیچه، اوشبو صحبت‌لر افغانستان تینچلیک خصوصیده، آمریکا موضوعی‌گه اوزگریشلیک کیلگنی‌نی کورسته‌دی.
سیاسی ایش بیلرمانلردن بیری یونس فکورنینگ سلام‌وطندارگه ایتیشیچه، افغانستان حکومتی و خلق ارا جماعه‌سی‌نینگ واکنشی باعث، آمریکا موضوعی اوزگرگن.
شوتوغریده…
- خلیلزاد: طالبان بیلن تینچلیک خصوصیده مذاکره قیله‌دیگن هیأت تولیق بولیشی کیره‌ک
خلیلزاد: افغانلر ارا تینچلیک سوزلشوولر جریانی چقانلنیشی کیره‌ک
سیاسی ایش بیلرمانلردن باشقه بیری شاه‌بازنینگ ایتیشیچه، آمریکا موضوعی‌گه ایجابی اوزگریشلیک کیلگنی، افغانستان حکومتی و خلق ارا جماعه‌سی‌نینگ منفعتی‌گه دیر؛ بیراق اونینگ تاکید قیلیشیچه، اوشبو موضوع افغانستان تینچلیک لایحه‌سی نینگ دوام‌لی بولیشی‌گه سبب بوله‌دی.
اوشبو سیاسی ایش بیلرمان نینگ کوپه‌یتیریشیچه، اختیاریگه بولگن معلومات‌‌لرگه کوره، طالبان گروهی افغانستان حکومتی بیلن مذاکره قیلیش‌گه تیار بوله‌دی.
زلمی خلیلزاد ایکی کون آلدین کابل‌گه کیلیب افغانستان جمهور رئیسی، اجرایی باشلیغی و قطار سیاسی و جهادی شخصیت‌لر بیلن اوچره‌شگن.
جناب خلیلزاد، یکشنبه کونی قندهار ولایتیده سفر قیلیب، بو ولایت محلی مقام‌لری بیلن تینچلیک توغریسیده صحبت قیلگن.
