آمریکا تشقی ایشلر وزیرلیگی نینگ ایتیشیچه، افغانستان تینچلیگی بوییچه مذکور وزیرلیک خاص نماینده‌سی زلمی خلیلزاد، تینچلیک پروسه‌سی توغریسیده اوز سفرلری نی باشله‌دی.
آمریکا تشقی ایشلر وزیرلیگی نینگ اعلامیه‌سیده کیلیشیچه، خلیلزاد بو سفر جریانیده قطر، افغانستان، پاکستان، ناروی و بلغاریا مملکت‌لریده سفر قیلیش گه قرار قیلگن. خلیلزاد نینگ سفرلری نی ینگی دوری 24- جاری میلادی آیی گه باشلنگن.
اعلامیه خلیلزاد نینگ دوحه و کابل گه قیلگن سفریدن مقصد، افغانستان‌لیکلرارا سوزلشوولر باشلنمه‌سیدن آلدین قالگن موضوع‌لرنی حل قیلیش، اینیقسه زوروانلیکلر کمه‌یتیریلیشی و محبوسلر اَلمشتیریلیشی دییلگن.
اعلامیه نینگ کوپه‌یتیریشیچه، خلیلزاد پاکستان گه قیلگن سفریده افغانستان‌لیکلرارا سوزلشوولر خصوصیده بو مملکت نینگ حمایتی نی آلیش اوچون سعی و حرکت قیله‌دی.
آمریکا تشقی ایشلر وزیرلیگی افغانستان تینچلیک پروسه‌سی توغریسیده پاکستان نینگ حمایتی نی قولگه کیلتیریش توغریسیده اورغوله‌گن بیر حالده، جناب خلیلزاد (جمعه کونی 3- اسد) آمریکا تینچلیک انستیتیوتی میزبانلیگیده یولگه قوییلگن ییغینده ایتیشیچه، ایران افغانستان تیچلیک پروسه‌سیدن ییترلیچه حمایت قیلمه‌دی.
خلیلزاد افغانستان تینچلیک پروسه‌سی اوچون سفرلری نینگ باشله‌گن بیرحالده، آمریکا و طالبان گروهی آره‌سیده کیلیشوونامه امضالنگنیدن تورت یریم آی اوتیشی بیلن افغانستان‌لیکلرارا سوزلشوولرنینگ ییری و زمانی حاضرگچه بیللی بولمه‌گن.
