قندهار سوداگرلیک اتاقی‌نینگ مسؤول‌لری اوتگن ییل‌گه قره‌گنده، مذکور ولایت انار صادراتی 35 فایز یوقاری کیتگن لیگی‌دن خبر بیردی.
قندهار ولایتی‌نینگ سوداگرلیک اتاقی باشلیغی نصرالله زهیرنینگ ایتیشیچه، اوتگن ییل 8796 تُن انار اروپا و آسیا اولکه لریگه صادر ایتیلگن و قولگه کیلگن عایدی ایسه ایکی میلیون دالرگه یقین ایکن.
قندهار اناری رسمی شکلیده پاکستان، هندوستان، عربی امارات، اورته آسیا و آلمان اولکه سیده صادر ایتیله‌دی.
هر ییل‌لب 50 مینگ تُن‌گه یقین انار غیر قانونی شکلیده صادر ایتیله دیگن اولکه‌لر اوتکزیله‌دی. انه شو حالده، قندهار ولایتی‌نینگ انارلی باغ‌بانلری، ایکین‌لرینی آفت اوریشی‌دن شکایت قیله‌دیلرو شونینگ‌دیک وضعیت دوام تاپگن صورتده مذکور ولایت انار صادراتی‌نی آزه‌یشی‌دن خواطر بیلدیره‌دیلر.
اولرنینگ ایتیشیچه، قندهار ایکین‌چیلیک ریاستی اوشبو موضوع اوچون جدی اولگورمه‌گن.
اما قندهار ایکین‌چیلیک ریاستی نینگ نباتلر اسره‌ش بولیم مدیری ذبیح‌الله زیارمل ایتیشیچه، مذکور ریاست ایکین‌چیلر و باغ‌دارلر بیلن قولیدن کیلگونگه قدر یاردم بیره‌دی.
اونینگ ایتیشیچه، شو سونگی کون‌لرده ایکین‌چیلر میوه لرینی اسره‌شی اوچون 200 مینگ کیسه توزیع قیلگن‌لر.
قندهار اناری افغانستان ییریک صادر قیله دیگن میوه‌لریدن بیری بولیب، دنیا بویلب شهرت قازانگن. قندهار ده‌گی 22 مینگ هکتار ییرنی اوز ایچیده آلگن باغ‌دن، 7 مینگ هکتاری انار درختی اوچون اجره تیلگن.
