افغانستان مخابرات تکنالوژی وزیرلیگی الکترونیک حکومتچی‌لیک لایحه‌سی طرحی‌نی کابینه اعضالریگه تَنیشتیردی. مذکور ایش‌دن کوزلنگن نیت شفافیت، اداری فسادگه قرشی کوره‌شیش و افغانستان اهالیسی‌گه یخشی خذمت تقدیم ایتیش بولگن.
مخابرات و تکنالوژی وزیری عبدالرزاق وحیدی اوتگن کون توشدن آلدین جمهور رییس‌نینگ یخشی حکومتچی‌لیک اوچون مخصوص نماینده‌سی احمدضیا مسعود بیلن اوتکزگن قوشمه بیر اولتیریش‌ده مذکور طرح‌نی کابینه اعضاسی و مملکت مسقل اداره‌لری‌نینگ رییسلریگه تَنیشتیرگن.
مخابرات وزیری الکترونیک حکومتچی‌لیک طرحی‌نی تَنیشتیریش‌ده، اوشبو طرح عملی بولیش بیلن مملکت‌ده یخشی حکومتچی‌لیک اوچون ییریک اوزگریش کیلیشی‌نی تیل‌گه آلگن.
جناب وحیدی‌گه کوره: « ملی بیرلیک حکومتی کیله‌جکده یخشی سیستم بیلن جهازلنه‌دی. اداری فسادگه قرشی کوره‌شیش، یخشی حکومتچی‌لیک ایش‌لر تطبیق اوچون شفافیت و بیزنی یخشی حکومتچی‌لیککه ییتکزیش‌گه دییرلی کومک قیله‌دی».
شونینگ‌دیک مخابرات وزیری، افغانستان اوتگن اون بیش ییل‌گه قرهگنده مخابراتی و تکنالوژی بولیم‌ده اساسی جایگاه‌نی ایگللگن، اما بونده‌ی امکانیت‌دن یخشی حکومتچی‌لیک اوچون فایده‌له‌نیلمه‌گن.
عین حالده جمهور رییس‌نینگ یخشی حکومتچی‌لیک اوچون مخصوص نماینده‌سی‌گه کوره، اداری فساد آلدینی آلیش، شفافیت وجودگه کیلتیریش و دولت اداره‌لریگه حساب بیریش‌نینگ یگانه یولی الکترونیک حکومتچی‌لیک دیر. مسعود، افغانستان‌لیک‌لر هنوز هم دولت اداره لریده‌گی فساد دن اذیت چیکه دیلر دیگن و دولت اداره‌لریگه اساسی اوزگریش کیلتیریش بیلن رواجله‌نیش یولیده بولگن توسیق اورته‌دن کیتیب شونینگ‌دیک فسادهم نابود بوله‌دی.
جناب مسعود برچه وزیرلردن الکترونیک حکومتچی‌لیک‌نی رواجلنتیریش اوچون اوز اداره‌لریده جدی سعی وحرکت قیلیش‌لرینی سوره‌گن.
شونینگ‌دیک مخابرات وزیرلیگی وقت بیهوده صرفلنمس‌لیگی، کاغذپرانلیک، شفافیت ایجاد قیلیش، ایش‌نی تیزلشتیریش و اداره‌لرده فسادنی کمیتیریش الکترونیک حکومتچی‌لیک‌نینگ ایجابی فایده‌لریدن بولگن لیگینی اظهار قیلگن.
رسمیلرنینگ سوزلریگه قرهگنده، الکترونیک حکومتچی‌لیک‌نینگ ییریک بولیم‌لری برقی کیملیکلر ترقه‌تیش، دولتی معلومات مرکزینی ایجاد قیلیش، ییرلر حجتی‌نی رویخط‌گه آلیش، پاسپورت و باشقه اسنادلردن عبارت.
