.JPG)
طالبان گروهینینگ هجوملری باعث، بدخشان یشاوچیلریدن یوزلرچهسی پنجشیر ولایتیده آواره بولگنلر. اولرنینگ ایتیشیچه، دولت تامانیدن صورت تاپگن یاردملر ایترلی ایمس دیر.
اوشبو آوارهلر 20 کون آلدین بدخشان ولایتینینگ کرانومنجان تومنیدن انجمن کوتلی یولی آرقهلی، پنجشیر ولایتینینگ پریان تومنیگه کیلگنلر و یمان وضعیتده حیات کیچیرهدیلر.
آوارهلردن بیرقطارینینگ سلاموطندارگه ایتیشیچه، بدخشان ولایتینینگ کرانومنجان تومنیده طالبان جنگریلری و امنیتی کوچلر آرهسیده بولگن آتیشمهلر 4 آی دوام تاپگن و قطار ایرککلر، عیاللر و بالهلرنی تشلب پنجشیر ولایتیگه کیلگنلر.
.JPG)
پریان تومنیده آوارهلر بولگنلرنینگ ایتیشیچه، بو مدتده محلی حکومت و قطار سرمایهدارلر تامانیدن اولرگه اون، برنج و خیمه توزیع ایتیلگن، بیراق اوشبو یاردملر ایترلی ایمس دیر.
آوارهلردن بیرقطاری نینگ ایتیشیچه، یمان وضعیتده حیات کیچیرهدیلر و دولت نینگ اولرگه دقت قیلیشی کیرهک.
عینحالده، پنجشیر حاکمی کماالدین نظامی، مذکور آوارهلرنینگ قیینچیلیگینی تصدیقلب اهالی و مرکزی حکومتدن اولرگه یاردم بیریشینی سورهیدی.
پنجشیر یشاوچیلریدن بیرقطارینی انجمن کوتلینینگ او تامانیده اوروش بولگنیدن خواطر بیلدیریب ایتیشیچه، مرکزی حکومت بو توغریده دقت قیلمهگن صورتده، پنجشیر ولایتینینگ طالبان تامانیدن تهدید ایتیلیشی ممکن.
