افغانستان شمال شرقیده جایلشگن تخار ولایتینینگ محلی مسووللری، بیر قنچه ناتنیش کیشیلر کیچه نینگ قرانغوسیدن فایده لهنیب 12ته ایشکنی ولایت مرکزی تالقان شهری یقینده سویگنلیکلری باره سیده خبر بیرگنلر.
مذکور شخصلر ایشک گوشتینی سیگیر و قوی گوشتی دیب قراردادلرگه بیریش نیتده بولگن لیک لری ایتیلهدی.
تخار پولیس قوماندانلیگی نینگ جنایی جرملرگه قرشی کورهش مدیری معلم عبدالرووف، بو ایش اورتهبز منطقهسیده بولگن دیدی.
محل اهالیسی حادثهدن خبردار بولگندن کیین، واقعه عامللری قاچیشگه موفق بولگنلر دیدیلر. مذکور کیشیلر حبسگه آلینیشی اوچون تیرگاو باشلنگن لیگی ایتیلهدی.
سوییلگن ایشکلر 15- 20 ته ایکن لیگینی تیلگه آلگن محل اهالیسی، بو ایشگه قول اورگن شخصلر تانگ آتیشی بیلن بیرنچه تیری و بیر قنچه گوشتنی اوزلری بیلن آلیب کیتیشگه موفق بولگنلر دیگنلر.
محل اهالیسی نینگ سوزلریگه کوره، هنوزگچه اونلب ایشک نینگ گوشتی سیگیر و قوی گوشتی دیب بازارده ساتیلگن بولیشی ممکن.
شونینگدیک ولایت یشاووچیلری، تیگیشلی ادارهلردن بو ایشگه قول اورگن شخصلر حبسگه آلینیب جزالهنیشینی سورهگنلر.
