20- نوامبر خلق ارا باله‌لر کونیگه تینگ، بو کون دنیا بویلب نشانلنه‌دی. بو سَنه افغانستان‌ده هم باله‌لر توغریسیده بعضی بیر حساباتلر ترقه‌تیلیشی بیلن نشانلنه‌دی.
مملکت معارف وزیرلیگی نینگ مسووللری، حاضرگی کونده هم مملکت بویلب 3 میلیوندن آرتیق گودک اورگه‌نیش حقیدن محروم ایتیلگن دیگنلر.
معارف وزیرلیگی نینگ نشرات بولیمی باشلیغی کبیر حقمل، یونسف همده باشقه خلق ارا تشکیلاتلرنینگ بیرگن حساباتلریده مملکت بویلب 3 میلیوندن کوپراق باله اوقیش و اورگه‌نیشدن محروم ایتیلگن لیکلرینی بیلدیرگنلر.
حقمل، نا برقرارلیک، نا توغری عرف و عادتلر، قشاقلیک و یوقسیلیک باله‌لرنینگ اورگه‌نیشدن محروم بولیشلری اوچون بیرینچی عامل حسابلنگن دیگن.
شونینگدیک مملکت ایش و اجتماعی ایشلر بوییچه وزیرلیک نینگ ییتکرمه‌لر مصلحتچیسی عبدالفتاح احمدزی، ترقه تیلگن حساباتلرده افغانستان بویلب 3 میلیونگه یقین گودک ایش بیلن شغللنه‌دی دیدی. بولردن بیر یریم میلیونی آغیر ایشلر بیلن شغللنه‌دی دیگن جناب حقمل.
افغانستان جمعیتی‌ده‌گی جدی زیان کورگن قتلم باله‌لر حسابلنه‌دی. اوی ایشیدن آلیب خیابانلرده اینگ آغیر ایشلر بیلن اوشبو قتلم شغللنه‌دی.
افغانستان‌ده باله‌لرنینگ کته قسمی اوقیش اورگه‌نیشدن محروم ایتیلگن لیکدن علاوه اینگ آغیر ایش بیلن شغللنه‌دیلر. بو باله‌لر کیچیک یاشده بولیشیگه قره‌می کته مسوولیتلر ذمه‌لریگه یوکلنگن.
بلاغتگه ییتمه‌گن افغان باله‌لری جنسی زورله‌نیشدن آلیب ایریم پیتلرده اوروشلرده حربی کوچ صفتیده سوء‌اسعتمال بوله دیلر.
