دارو ایشلری بوییچه تنظیمات ادارهسی مسؤوللری نینگ ایتیشیچه، قویاش 1398- ییل مملکتده ایشلب چیقاریلهدیگن و چیتایل مملکتلردن آلیب کیلینهدیگن 6 مینگ دن آرتیق تورلی دارولرنی قیمتی تعیین و کنترول قیلینهدی.
بوگون «چهارشنبه» کابلده ملت گه دولت جواب بیریش برنامه ده دارو ایشلری بوییچه تنظیمات ادارهسینی اجرایی باشلیغی غلامسعید راشد نینگ ایتیشیچه، 6 مینگدن آرتیق تورلی دارولرگه قیمت تعیین قیلیش چکهسیده، 12 مینگدن آرتیق دارو نینگ کیفیتی تثبیت ایتیلهدی.
جناب راشد نینگ کوپهیتیریشیچه، 1397- ییلده معیاری بولمهگن 190 تن ماده نابود قیلینگن و مملکت تورت زونیده دارولر کیفیتینی کنترل قیلهدیگن 4 سیناو مرکزی ایجاد ایتیلگن.
دارو ایشلری بوییچه تنظیمات ادارهسی نینگ اجرایی باشلیغی گه کوره، آلدیندن رویخط گه آلینگن 1000 مینگدن آرتیق داروگه قیمت تعیین قیلینگن و بازارگه عرضه قیلینیشگه تیار دیر.
اونینگ کوپهیتیریشیچه، 1500 قلم دارو و ساغلیک محصولاتلرنی جوازی صادر ایتیلگن.
شوتوغریده…
- مملکتدن تشقری دارولنیش اوچون بارهدیگن کسللرنینگ رقمی کمهیگن
موسوم کسللیکلری؛ بامیاننینگ 2 تومنیده دارو تاپیلمهیدی
جناب راشدگه کوره، 1397- ییلده مملکتده 8 دارو توزهتووچی ایشخانه ایجاد ایتیلگن و حاضرده مملکت بوییچه 56 دارو توزهتووچی ایشخانه فعالیت قیلهدی.
عینحالده، کانلری وزیرلیگینینگ وقتینچهلیک باشلیغی نرگس نهان نینگ ایتیشیچه، کانلر و پترولیم وزیرلیگی 1398- ییلده مس عینک، آمو دینگیزی و حاجیگگ پروژهسینی یکونلنتیریش اوچون سعی و حرکت قیلهدی.
خانم نهان نینگ کوپهیتیریشیچه، قراردادی شرکتلر بیلن کیلیشوو صورت تاپگن حالده، تعدیل ایتیلگن قراردادلر قیتهدن امضا ایتیلهدی و اوشبو شرکتلرنینگ قیینچیلیگی کوپ بولگن صورتده اولر بیلن کیلیشوو صورت تاپمهیدی و قراردادلر قیتهدن دواطلبلیککه قوییلهدی.
اونینگ ایتیشیچه، 1398- ییلده معدنی مادهسی بولگن 15 ساحه نینگ تیکشیریلیشی یولگه قوییلهدی.
