ساغلیقنی سقلش وزیرلیگی رسمیلری، قیش کیلیشی بیلن خانه‌دانلر آلدیده تورلی کسل‌لیکلر کوپه یگن‌لیگینی تیلگه آلیب ایتیشیچه، موسمی کسل‌لیکلر آلدینی آلیش اوچون مرکز و ولایتده 12 تور ایملش واکسینی تیکین شکلده یشاوچیلر خدمتیگه قویله‌دی. اولرنینگ ایتیشیچه، مذکور ایملش سریخلش، پولیو، «ت.ب» قویَن، کوک یوتل، انفلونزا، سینه‌بغل، قیزه‌ماق و باشقه نیچه کسل‌لیکدن قوتقریش واکسینی شامل.
ساغلیقنی سقلش وزیرلیگی نینگ مساوی تنفس ریاستی باشلیغی داکتر سردارمحمد پرویزنینگ سلام‌وطندارگه قیلگن مخصوص صحبتده ایتیشیچه، مذکور12 تور ایملش واکسین مملکت بویلب برچه ساغلیقنی سقلش مرکزلریگه ترقه‌تیلگن و اهالی ایسه اوشبو ایملش‌لردن تیکین استفاده قیله آله‌دیلر.
باله سلامت لیگینی سقلش کسلخانه باشلیغی داکتر حلیمه بلوچ‌زاده نینگ ایتیشیچه، کسلخانه‌لرده 9 تور ایملش واکسینی و نیچه تور باشقه واکسین هم موجود. او، کابل و مملکت بویلب آنه‌لردن اوشبو واکسینلرنی وقتیده آلیشلرینی طلب قیله‌دی.
باله سلامت لیگینی سقلش کسلخانه‌سی رسمیلری نینگ کوپه‌یتریشیچه، کونیده 50 دن 70 گه قدر کیشی یشاوچیلردن اوشبو واکسینلردن اوزلریگه اوتکزه‌دیلر.
مملکت بویلب قشاق‌لیک و ساغلیق حقیده آز معلومات بیریلگن‌لیگی سبب یشاوچیلردن کوپیسی کسل‌لیکلرگه قرشی واکسینی‌دن محروم قالگنلر. یشاوچیلر ایسه ساغلیقنی سقلش وزیرلیگی‌نینگ بو تکلیفیدن خرسندلیک قیلیب ایتیشلریچه، بو ایملش‌لر کوپلب موسمی کسل‌لیکلر آلدینی آلیشگه یاردم بیره‌دی.
