جمهور رییس محمداشرف غنی بوگون مدافعه وزیرلیگیده امنیتی کوچلر شهیدلرینی ایسلش مراسمیده، مدافعه وزیرلیگیدهگی اداری فساد؛ اردو کوچلری کوپلب تلفاتیگه سبب بولهدی دیدی. او، اهالی و حکومت اوچون ملی اردو کوچلر تلفاتینی اچینرلی دیگن.
جمهور رییس غنی نینگ کوپهیتریشیچه، ملی مدافعه وزیرلیگیدن فسادنی یوقاتیشگه اقدام قیلینگن، بیراق اوشبو اقداملر قانیقرلی ایمس و بوندن کوپراق ایش قیلیش لازم. جناب غنیگه کوره، مدافعه وزیرلیگیگه اصلاحات کیلتیریش اوچون اوتمیش 6 آیده مذکور وزیرلیک ملازملریدن 700 کیشی تبدیل قیلینگن.
جمهور رییس، امنیتی کوچلر اولیمی آلدینی آلیش اوچون هم برنامهلر نظرده توتیلگن و امنیتی کوچلر یخشی جهازلنتیریلیشگه اولگورهدی. اونینگ آگاهلنتیریب ایتیشیچه، امنیتی کوچلر رسمیلری نینگ مینسیمسلیک و ایش سیزلیکلری کورینگن تقدیرده، قانونگه تاپشیریلهدیلر.
سلاموطندارگه صحبت قیلگن حربی تحلیلچی جاویدکوهستانی نینگ ایتیشیچه، مدافعه وزیرلیگیده ایریم فساد یوکسک شکلده اولنگن، اینیقسه مالی بولیمیده. اونگه کوره، مدافعه وزیرلیگی قیته قوریش و شهیدلر مناری توزهلیشی اوچون کوپلب پوللر تالان تارج قیلینگن. اونینگ اصلاحاتلرگه تأکید قیلیب ایتیشیچه، مدافعه، ایچکی ایشلر وزیرلیگی و ملی امنیت ریاستیده فسادگه قرشی کورهشمهگن تقدیرده، تشقی یادملر کیسیلیشی ممکن.
اوشبو حربی تحلیلچی مدافعه وزیرلیگیدهگی فساد، سلیقه یوزهسیدن قرهش، کیسکین برخوردلر قیلمسلیک و ایشگه مینسیمسلیک ییریک قیینچیلیکلردن سلنهدی.
