سلام‌وطندارگه صحبت بیرگن افغان-ترک لیسه‌سی اوقووچیلری‌نینگ عایله‌وی کمیته‌سی مسؤولی سیدعمر قتالی‌نینگ ایتیشیچه، بوگون ایرته‌لب امنیتی کوچلر هرات ولایتی‌نینگ افغان-ترک لیسه‌سی اوغیل‌لر بولیمی گه کریب و مذکور لیسه‌نینگ اوقیتووچیلری و اوقووچی‌لریدن کمیده 20 ته‌سینی نظارت گه آلگن‌لر.
جناب قتالیگه کوره، امنیتی کوچلر کمیده 15 رنجر موتر بیلن افغان-ترک لیسهسینی قمراوگه آلیب و اوندن سونگ هرات معارف ریاستینینگ مسووللری مدیریتگه اوزگرتیریش کیلتیریش اوچون مکتبکه کیلگنلر.
عینحالده، هرات حاکمینینگ سوزلاوچیسی جیلانی فرهادنینگ امنیتی کوچلر هجومینی رد قیلیب ایتیشیچه، امنیتی کوچلر افغان-ترک لیسه‌سی مدیریتینینگ اوزگرتیریش اوچون بو مکتبگه بارگن هیأت خوفسیزلیگینی تامینلش اوچون محل گه جایلشگن.
اونینگ ایتیشیچه، ترکیه معارف بنیادی و افغانستان معارف وزیرلیگینینگ کیلشووی اساسیگه، افغان-ترک لیسهسیگه اوزگریشلیک صورت تاپهدی.
جناب فرهاد گه کوره، اوشبو کیلشوو گه کوره، افغان-ترک مکتبلری 12 لیسهدن 24 لیسهگه کوپهیهدی و بو مکتبلر ترکیه معارف بنیادینینگ حمایتی اساسیگه فعالیت قیلهدی.
هرات حاکمی سوزلاوچیسینینگ ایتیشیچه، معارف وزیرلیگی اوشبو مکتبلرنینگ درس جریانیدن نظارت قیلهدی و افغان-ترکنینگ ایچکی اوقیتووچیلری اوز ایشلریگه دوام بیرهدی.
عینحالده، هرات پولیس قومندانلیگی رسمیلریدن بیری فرزاد فروتن‌نینگ افغان-ترک لیسه‌سی اوستیگه هجوم ایتیلگنینی رد قیلیب ایتیشیچه، امنیتی کوچلر مذکور لیسه مدیریتیگه اوزگریشلیک کیلتریش اوچون یولگه قویلگن برنامهنینگ خوفسیزلیگینی تامینلش اوچون محلگه یوباریلگن.
