بوگون «چهارشنبه» کابلده خبری بیرییغین اوتکزگن افغانستان ایرکین رسانهلریدن حمایت ایتووچی نهاد «نی» اجرایی باشلیغی مجیب خلوتگرنینگ ایتیشیچه، خبرچیلر جمهورلیک ریاست سیلاوی کونیده امنیتی کوچلر و زوروانلر تامانیدن ناتوغری حرکتلرگه کمراق شاهد بولگن.
جناب خلوتگر گه کوره، 1383- ییل سیلاویدن کیین بو بیرینچی سیلاو دیر کیم خبرچیلرگه قرشی زوروانلیک میزانی کمهیگن.
بیراق خبرچیلردن بیری ظفر قریشی نینگ ایتیشیچه، سیلاو کونیده امنیتی کوچلر اولر بیلن یخشی یاندشمهگن و اولرگه خبرنی پوشش بیریش اوچون رخصت بیرمهگن.
معلومات گه قول تاپمسلیک و خبرچیلرگه قرشی زوروانلیک هردایم خبرچیلر روپهرو بولهدیگن قیینچلیکلردن دیر. «نی» تامانیدن اوتکزیلگن ایریم تیکشیروولر اساسیده، خبرچیلردن 90 فایزی سیلاوی معلوماتلرگه قول تاپه آلمهیدیلر.
