هلمند حاکمی سوزلاوچیسی عمر زواک نینگ ایتیشیچه، هلمند دینگیزی ده بیر قایق غرق بولیشی عاقبتیده ۸ کیشی جان بیرگن.
مذکور حادثه بوگون (چهارشنبه ۱۲- سنبله) ایرتهلب بو تومن یشاوچیلریدن ۸ تهسی بیر قایق آرقهلی اوشبو دینگیزدن اوتهدیگن بیرچاغده، کجکی تومنی نینگ «اذان» منطقهسیده یوزبیرگن.
جناب زواککه کوره، هلاک بولگنلر آرهسیده ۲ عیال، ۳ باله و ۳ ایرکک شامل دیر.
هلمند حاکمی سوزلاوچیسی نینگ کوپهیتیریشیچه، غرق بولگنلر درکسیز یوقالگن و اولرنینگ جسدی نی تاپیب، دینگیزدن چیقاریش اوچون سعی و حرکتلرنی دوامی بار.
عین حالده، بوندن آلدین هم نیچه مرته بالهلر شامل اونلرچه کیشی هلمند دینگیزیدن قایق بیلن اوتهدیگن بیرچاغده غرق بولگن ایدی. هلمند محلی مسئوللری نینگ ایتیشلریچه، بولردن قطاری نینگ جسدی سوودن چیقاریلگن، بیراق باشقه قطاری نینگ جسدی حاضرگچه درکسیز دیر.
