.jpg)
بوگون (چهارشنبه، 11- حمل) کابل‌ده قزاقستان سوداگرلیک اتاقی آچیلدی.
افغانستان بوییچه قزاقستان ایلچیسی امرتای باتیموف‌نینگ ایتیشیچه، سوداگرلیک اتاق آچیلیشی بیلن، قزاق سوداگرلری افغانستان‌ده تورلی بولیم‌لرده سرمایه یاتقزیب و شونینگ‌دیک، ایکی مملکت‌نینگ سوداگرلیک علاقه‌سی کینگه‌ییشی ممکن.
قزاقستان سوداگرلیک اتاقی آچیلیش مراسمی‌ده جناب باتیموف‌نینگ ایتیشیچه، مذکور مملکت افغانستان‌گه اقتصادی و باشقه بولیم‌لرگه یاردم بیریش اوچون تیارگرلیک کورستگن.
اوشبو ییغینده ایکی مملکت رسمی‌لری‌نینگ اورغولشیچه، افغانستان بیلن قزاقستان سوداگرلیک بولیمی‌ده نیچه تامانلمه کیلیشووگه قول قوییب و سوداگرلرنینگ ایشینی قولی لیشتیریشی لازم.
مذکور ییغینده، اورته آسیا مملکت‌لری بوییچه جمهور رییس‌نینگ خاص نماینده‌سی شاکر کارگرنینگ ایتیشیچه، جاری ییل مارچ آیی‌گچه افغانستان‌نی بالتیک دینگیز حوزه‌سی و اروپا بیلن باغله‌یدیگن لاجورد یولی‌نی ایشی باشلنه‌دی.
اروپا شمال‌شرقی‌ده بالتیک دینگیز حوزه‌سیده‌گی اوچ مملکت جمله‌دن لیتوانی، لتونی و استونی اروپا بیرلیگی اعضاسی دیر. لاجورد یولی افغانستان‌نی ترکمنستان، آذربایجان و گرجستان یولی‌دن قاره دینگیز و اوندن کیین ترکیه‌دن ایرکین سوولرگه باغله‌شی‌گه قرار قیلینگن.
قزاقستان رسمی‌لری‌نینگ ایتیشیچه، مذکور مملکت‌نینگ افغانستان‌گه قیله‌دیگن صادرات میزانی، میلادی 2015- ییل، 375 میلیون دالرگه ییتیشگن و کابل‌ده اوشبو مملکت سوداگرلیک اتاقی آچیلیشی بیلن، بو رقم یوقاری کیتیشی ممکن.
