بادغیس ولایتیده مخابرات ریاستی مسؤوللری نینگ ایتیشیچه، طالبان گروهی نینگ تهدیدلریدن سونگ، اوتگن کون (شنبه، 2- سنبله) دن بویان مذکور ولایتده کیچه تاماندن روشن، افغانبیسیم، اتصالات و امتیان مخابراتی ترماقلری نینگ فعالیتی کیسیلهدی و یالغیز سلام مخابراتی ترماغی فعال قالهدی.
بادغیس ولایتیده مخابرات ریاستی سرپرستی عزیزالله صابری نینگ ایتیشیچه، حاضر بو ولایتده تورت خصوصی مخابراتی ترماق نینگ فعالیتی آقشام 6 دن ایرتهلب 6 گچه بوتونلهی کیسیلهدی.
جناب صابری گه کوره، طالبان گروهی مذکور خصوصی مخابراتی ترماقلرنینگ کابل دهگی خوفسیزلیک بولیمی نی بو ترماقلرنینگ فعالیتی یالغیز کوندوز تامانیدن 12 ساعتلیک بولیشی توغریسیده آگاهلنتیرگن. طالبان گروهی نینگ بو ایشینی سبب حاضرگچه بیللی بولمهگن.
بادغیس یشاوچیلری و مدنی فعاللریدن بیرقطاری نینگ خبری بیر ییغینده ایتیشیچه، بو ولایتده مخابراتی ترماقلرنینگ فعالیتی کیسیلیشی اهالی ایشی گه زیان ییتکیزهدی و دولت دن بو قیینچیلیکنی تیزلیککه حل قیلیشی نی سورهگن.
بادغیس حاکمی اورین باسری فیضمحمد میرزازاده نینگ ایتیشیچه، مرکزی حکومت دن بو قیینچیلیکنی تیزلیککه حل قیلیشی نی طلب قیلیشگن.
شو توغریده…
بلخ ده مخابراتی ترماقلر کیسیلگنی باعث، سوداگرلر مالی زیان کورگن
