حاضر افغانستان‌ده مخدر ماده‌لرگه بیریلگن چمه‌سی اوچ میلیون کیشی حیات کیچیره‌دی. بونینگ 100 مینگی‌نی بلاغتگه ییتمه‌گن گودکلر تشکیل ایته‌دی. قالگن 650دن 800 مینگی ایسه خاتین – قیزلرنی اوزیگه قاپلیدی. بو حساباتلرنی تیلگه آلگن افغانستان ساغلیقنی سقلش وزیرلیگی نینگ بلند مرتبه‌لی رسمیلری، مملکت بویلب مخدر ماده‌لرگه بیریلگنلرنی دوالش مقصدیده 109 شفاخانه فعالیت ایته‌دی دیگنلر. رسمیلر، مملکتده مخدر ماده‌لرنی ییتیشتیریش آلدی آلینمه‌گن حالده، بنگی وارماده‌سیگه بیریلگنلرنی دوالش نیتیده شفاخانه‌لر قوریش نتیجه بیریشی امکان دن ییراق دیگنلر.
« مخدر ماده‌لرگه بیریلگن باله‌لر و خاتینلرنی دوالش ملی مرکزی» آچیلیشی مناسبتی بیلن اویوشتیریلگن ییغین‌ده نطق سوزله‌گن مملکت ساغلیقنی سقلش وزیری جناب فیروزالدین فیروز،منطقه ودنیا بولیب مخدر ماده‌لرگه قرشی کوره‌ش اوچون احتیاج بارلیگینی ایتگن. افغانستان‌ده مخدر ماده‌لرنی ییتیشتیریش آقیمی بوتونلی آلدی آلینمه‌گن تقدیرده، بنگی‌وار ماده‌سیگه بیریله دیگنلرنینگ آلدینی آلیش امکاندن اوزاق دیدی جناب فیزوزالدین فیروز.
شوکبی جناب وزیر، مخدر ماده‌لرگه بیریلگنلرنی دوالش شفاخانه‌سی سانی آشیریلیشیدن اساسی نیت بو ماده‌گه بیریلگن باله‌لر همده عیاللرنی دوالش بولگن لیگینی تیلگه آلگن. وزیرنینگ تعبیریچه، بو مرکزلرده مخدر ماده‌لرگه بیریلگن بلاغتگه ییتمه‌گن گودک و خاتین لر سقله‌نیشی‌دن علاوه اولر دوالنه‌نیش باسقیچینی هم اوتکزه دیلر.
ساغلیقنی سقلش وزیرلیگی نینگ رسمی حساباتیده، اوتگن ییل وزیرلیک 18241 کیشینی دوالب ومخدر ماده‌لرگه بیریلگن 76567 کیشی‌گه بو توغریده عمومی معلومات بیریلگن لیگی یازیلگن.
حاضر مملکت بویلب 59 مرکزده مخدر ماده‌لرگه بیریلگنلر دوالنه‌دی دیگن تیگیشلی وزیرلیک نینگ رسمیلری.
ییغین‌ده چقیقش قیلگن افغانستان مخدر ماده‌لرگه قرشی کوره‌ش وزیری خانم سلامت عظیمی، دنیا بویلب بنگی‌وار ماده‌لرگه قرشی مبارزه آلیب باریلیشی اوستیده علیحده تاکید قیلگن. او، دنیا بو توغریده افغانستان حکومتی‌گه بیرگن وعده‌سیگه عمل قلیشی کیره‌ک لیگینی اظهار قیلگن.
عین حالده، اخیرگی وقتلرده ترقه تیلگن گزارشلرده اوتگن ییللرگه قره‌گنده افغانستان‌ده مخدر ماده‌لرنی ییتیشتیریش میزانی 43 فایز آشگن لیگی قید ایتیلگن ایدی. مذکور گزارش‌ده، مملکت نینگ جنوب، شرق و غربی حدودلریده چمه‌سی 93 % کوکنار ایکیلیشی بیلدیریلگندی. شونینگدیک کوکنارنینگ 7 % ایسه مملکت نینگ شمال، شمال شرق ومزکز ولایتلریده ییتیشتیرییلیشی بیلدیرگن. بو رقم ایسه اوتگن ییل‌گه کوره، مخدر ماده ایکیش 10% کوپیگن لیگینی کورسته‌دی.
.jpg)
.jpg)
