اوشبو سووتاشقینلر "چهارشنبه" کیچه پروان مرکزی چاریکار شهری، کابل ولایتی نینگ سروبی تومنی، کاپیسا، پنجشیر، میدانوردک، لوگر، ننگرهار، پکتیا، پکتیکا، نورستان، لغمان و خوست ولایتلریده شدتلی یامغیرلر سبب، یوز بیرگن.
پروان حاکمی سوزلاوچیسی وحیده شهکار نینگ سلاموطندارگه ایتیشیچه، حاضرگهقدر سووتاشقینلر سبب، چاریکار شهریده 90 کیشی هلاک و باشقه 106 کیشی یرهلنگن.
پروان ولایتی بوییچه ساغلیقنی سقلش ریاستی باشلیغی دکتر صفیالله وارسته نینگ ایتیشیچه، حاضرگهقدر اونلرچه جسد و یوز دن آرتیق یرهدار کیشی اوشبو ولایت کسلخانهلریگه انتقال بیریلگن.
عینحالده، طبیعی حادثهلرگه قرشی کورهش وزیرلیگی نینگ اعلان قیلیشیچه، کابل ولایتی نینگ سروبی تومنیده سوو تاشقینلر نتیجهسیده 19 کیشی هلاک ایتیلگن.
شونینگدیک، کاپیسا حاکمی سوزلاوچیسی قیس قادری نینگ ایتیشیچه، اوشبو ولایت نینگ کوهبند تومنینی «شاواخ و آرامکوت» منطقهلریده سوو تاشقینلر باعث، قطار مسکونی اویلر تخریب ایتیلگنی چکهسیده، 20 کیشی هلاک، 19 کیشی یرهلنیب و باشقه 4 کیشی درکسیز یوقالگن.
کوهبند تومنی ولسوالی سیفالرحمن خلیلی نینگ ایتیشیچه، تلفات رقمی نینگ کوپهیش احتمالی موجود و بیر کوپریک نینگ تخریب بولگنی سبب، اوشبو تومن مرکزینی و بیرقطار قیشلاقلر بیلن بولگن ارتباطی یولی باغلنگن.
کاپیسا ولایتی بوییچه طبیعی حادثهلرگه قرشی کورهش ریاستی مسوولی محمدشریف امین نینگ ایتیشیچه، اوتگن 36 ساعت جریانیده اوشبو ولایت نینگ کوهبند، نجراب، حصه اول و دو تومنلری سوو تاشقینلرگه گواه بولگن.
کاپیسا ولایتی بوییچه ساغلیقنی سقلش ریاستی باشلیغی محمدشعیب دانش نینگ ایتیشیچه، حاضرگهقدر 9 جسد و 12 یرهدار کیشی ساغلیک مرکزگه انتقال بیریلگن.
عینحالده، پنجشیر حاکمی سوزلاوچیسی منصور عنابی نینگ ایتیشیچه، اوشبو ولایتده سوو تاشقینلر عاقبتیده، 3 کیشی هلاک و باشقه 20 کیشی یرهلنگن.
شونینگدیک، پنجشیر حاکمی سوزلاوچیسی محمدامین صدیقی نینگ ایتیشیچه، سوو تاشقینلر سبب، شتل، عنابه، رخه، دره و آبشار تومنلری نینگ یشاوچیلری زیان کورگن.
جناب صدیقی نینگ کوپهیتیریشیچه، اوشبو ولایت نینگ عمومی و فرعی جادهلری باغلنگنی سبب، قربان بولگنلردن بیللی رقم قولگه یوق دیر.
پنجشیر ولایتی بوییچه ساغلیقنی سقلش ریاستی باشلیغی شیردل دانش نینگ ایتیشیچه، دره تومنیده ساغلیقنی سقلش بیر مرکز تخریب ایتیلیب و اوشبو ریاست نینگ بیر آمبولانسینی سوو آلیب کیتگن.
میدانوردک حاکمی سوزلاوچیسی محبالله شریفزی نینگ ایتیشیچه، اوشبو ولایت نینگ دایمیرداد، چک، سیدآباد، نرخ و جلریز تومنلریده سوو تاشقینلر عاقبتیده، 7 کیشی هلاک، 30 کیشی یرهلنیب و باشقه 4 باله درکسیز یوقالگن.
شونینگدیک، ننگرهار حاکمی سوزلاوچیسی عطالله خوگیانی نینگ ایتیشیچه، اوشبو ولایتده سوو تاشقینلر نتیجهسیده، 2 کیشی هلاک و باشقه 4 کیشی یرهلنگن.
طبیعی حادثهلرگه قرشی کورهش ریاستی مسووللری نینگ ایتیشلریچه، بیرینچی ارقاملرگه کوره، کابل، پروان، کاپیسا، میدانوردک، پنجشیر، ننگرهار، لوگر، پکتیا، پکتیکا، نورستان، لغمان و خوست ولایتلریده سوو تاشقینلر سبب، 1500 مسکونی اوی، بیرقطار دکانلر و 1150 هکتار ایکینچیلیک ییر تخریب و 600 چاروا تلف بولگن.
