جوزجان ولایتی نینگ مینگجیک تومنی یشاوچیلریدن بیرقطاری نینگ ایتیشیچه، مذکور تومنده طالبان گروهی 12 مینگ عایله اوچون ینگی قانونلر چیقاریب و اقتصادی تحریم تعیین قیلیب و آیلیک هر بیر عایله بو گروه گه 50 افغانی بیریشینی سورهگن و بیرمهگن صورتده، منطقهده یشه آلمهیدی.
اولرنینگ کوپهیتیریشیچه، طالبان گروهی تومن یولیده نیچه چیکپاینت ایجاد قیلیب و قطار کیشیلردن زورغه پول آلهدی.
مینگجیک یشاوچیلری نینگ ایتیشیچه، دولت حاضرگهقدر اولرنینگ طالبان گروهینی ظلمیدن قوتقریش اوچون هیچ بیر ایش قیلمهگن.
جوزجان ولایتی نینگ مینگجیک تومنی ولسوالی مطیعالله احسان، مذکور تومن یشاوچیلریدن طالبان گروهی پول توپلهشینی تصدیقلب ایتیشیچه، بو گروه آییده 12 مینگ عایلهدن 600 مینگ افغانی نقد پول توپلهیدی.
جوزجان ولایتی نینگ محلی مسؤوللری گه کوره، بو ولایتده طالبان گروهی تاولاونچیلیک یولی بیلن اوزلرینی جهازلهیدی و کوپلب تینچ اهالینی قیناققه سالیشهدی.
بیراق، طالبان گروهی نینگ سوزلاوچیسی ذبیحالله مجاهد، مینگجیک تومنی نینگ یشاوچیلریدن پول توپلهنیشینی رد قیلهدی.
